ହାଇଦ୍ରାବାଦ:ଲୋକପ୍ରିୟ ଗାୟକ ତଥା ରାପର ବାଦଶାହ ଗାୟକ କେ.କେ ଓରଫ୍ କୃଷ୍ଣକୁମାର କୁନ୍ନଥଙ୍କ ଦେହାନ୍ତରେ ଦୁଃଖ ପ୍ରକାଶ କରି ଏକ ପୋଷ୍ଟ ସେୟାର କରିଛନ୍ତି। କିନ୍ତୁ ଲୋକମାନେ ବାଦଶାହଙ୍କ ଏହି ପୋଷ୍ଟ ଦେଖି ତାଙ୍କୁ ନାନା କଥା ଶୁଣାଇଛନ୍ତି। କେବଳ ଏତିକି ନୁହେଁ, ୟୁଜର୍ସ ବାଦଶାହଙ୍କ ନିକଟକୁ ଅନେକ ଘୃଣା ବାର୍ତ୍ତା ମଧ୍ୟ ପଠାଇଥିଲେ, ଯେଉଁଥିରେ ଲେଖାଯାଇଥିଲା - ତୁ କେବେ ମରିବୁ ? ବର୍ତ୍ତମାନ ବାଦଶାହ ୟୁଜରଙ୍କ ଦ୍ବାରା ପଠାଯାଇଥିବା କିଛି ବାର୍ତ୍ତାର ସ୍କ୍ରିନସଟ୍ ସେୟାର କରି ଏହାର ଜବାବ୍ ଦେଇଛନ୍ତି । କେକେଙ୍କ ମୃତ୍ୟୁକୁ ନେଇ ୟୁଜର୍ସ ବାଦଶାହଙ୍କ ଉପରେ ରାଗ କାହିଁକି ଦେଖାଇଲେ ? କଣ ଏମିତି ଘଟିଥିଲା ?
ଉଲ୍ଲେଖଯୋଗ୍ୟ, ଯେତେବେଳେ ବାଦଶାହଙ୍କୁ କେ.କେଙ୍କ ମୃତ୍ୟୁ ଖବର ମିଳିଲା, ସେ ବହୁତ ଦୁଃଖିତ ହୋଇଯାଇଥିଲେ । ଗାୟକଙ୍କୁ ମନେ ପକାଇ ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଫଟୋ ସେୟାର କରିଥିଲେ । କିନ୍ତୁ ଏହି ପୋଷ୍ଟକୁ ଦେଖି କିଛି ୟୁଜର୍ସଙ୍କ ରାଗ ବଢିଯାଇଥିଲା । ଏମିତି କି କିଛି ୟୁଜର୍ସ ବାଦଶାହଙ୍କ ମୃତ୍ୟୁ ପାଇଁ ମଧ୍ୟ ପ୍ରାର୍ଥନା କରିଥିଲେ ।
ଏଥିପାଇଁ ୟୁଜର୍ସ ବାଦଶାହଙ୍କ ଉପରେ ରାଗିଲେ
ବାଦଶାହ ଇନଷ୍ଟାଗ୍ରାମରେ କେ.କେ ଙ୍କୁ ଫଲୋ କରୁ ନଥିଲେ, ବର୍ତ୍ତମାନ ତାଙ୍କୁ ଶ୍ରଦ୍ଧାଞ୍ଜଳି ଦେଉଛନ୍ତି । ଏହି କାରଣରୁ ଲୋକମାନେ ବାଦଶାହଙ୍କ ଉପରେ ରାଗ ଦେଖାଇଥିଲେ ।