ଭୁବନେଶ୍ବର: ରିଲିଜ ହେଲା ସୁପରଷ୍ଟାର ବାବୁସନଙ୍କ ଫିଲ୍ମ ପ୍ରେମମ୍ । ଦୀର୍ଘ ଦିନ ପରେ ହଲକୁ ଆସିଛି ବାବୁସାନଙ୍କ ଏହି ଫିଲ୍ମ । ଇମୋଜି ଫିଲ୍ମସ୍ ବ୍ୟାନର୍ରେ ମୁକ୍ତିଲାଭ କରିଛି ନୂଆ ଓଡ଼ିଆ ଚଳଚ୍ଚିତ୍ର ପ୍ରେମମ୍ । ଆଜି(ଶୁକ୍ରବାର) ସ୍ବାତୀ ହଲରେ ସିନେମା ରିଲିଜ୍ ହୋଇଥିବା ସୂଚନା ମିଳିଛି ।
ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିଛନ୍ତି ବାବୁସାନ୍ ଏବଂ ପ୍ରକୃତି ମିଶ୍ର । ଶିଶିର କୁମାର ଷଡଙ୍ଗୀଙ୍କ ପ୍ରଯୋଜିତ ଏଇ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ତାପସ ସରଘରିଆ । ସବୁଠୁ ବଡ଼କଥା ହେଉଛି କି, ଓଲିଉଡର ସୁପର୍ ହିରୋ ସିଦ୍ଧାନ୍ତ ମହାପାତ୍ରଙ୍କୁ ଏହି ଚଳଚ୍ଚିତ୍ରରେ ଏକ ସ୍ବତନ୍ତ୍ର ଭୂମିକାରେ ଦେଖିବାକୁ ମିଳିଛି । 'ପ୍ରେମମ୍' ଚଳଚ୍ଚିତ୍ରରେ ଶୀର୍ଷକ ସଙ୍ଗୀତକୁ ମିଶାଇ 3ଟି ଗୀତ ରହିଛି । ନାଁରୁ ଏହି ଫିଲ୍ମଟି ପ୍ରେମ କାହାଣୀ ଭଳି ଲାଗୁଥିଲେ ବି କାହାଣୀରେ ଭିନ୍ନତା ରହିଛି । ଯାହା ଦର୍ଶକଙ୍କୁ ବେଶ ପସନ୍ଦ ଆସିଛି ବୋଲି କହିଛନ୍ତି ବାବୁସାନ ।
ଇଟିଭି ଭାରତ, ଭୁନେଶ୍ବର