ହାଇଦ୍ରାବାଦ: ଆସନ୍ତା ମାର୍ଚ୍ଚ 12ରେ ଚଳଚ୍ଚିତ୍ର ଜଗତର ସବୁଠାରୁ ପ୍ରତିଷ୍ଠିତ ତଥା ଅନ୍ତର୍ଜାତୀୟ ଆୱାର୍ଡ ସମାରୋହ (ଓସ୍କାର ଆୱାର୍ଡ) ଅନୁଷ୍ଠିତ ହେବାକୁ ଯାଉଛି । ଚଳିତବର୍ଷ ଭାରତକୁ ଦୁଇଟି ବର୍ଗରେ ଭାରତ ନୋମିନେଶନ ହୋଇଛି । ଏହାରି ମଧ୍ୟରେ ବର୍ତ୍ତମାନ ଭାରତୀୟ ସିନେମା ସହ ଜଡିତ ଓସ୍କାର ବିଷୟ ନେଇ ଆଉ ଏକ ବଡ ଖବର ସାମ୍ନାକୁ ଆସିଛି । ଓସ୍କାର ଭୋଟ୍ କମିଟିର ସଦସ୍ୟ ହୋଇଛନ୍ତି ତାମିଲ ସୁପରଷ୍ଟାର ସୂରିୟା । ଏହି ଖବର ତାମିଲ ସୁପରଷ୍ଟାର ନିଜେ ସୋସିଆଲ ମିଡିଆରେ ସେୟାର କରିଛନ୍ତି ।
ଅଭିନେତା ସୂରିୟା ନିଜ ଚ୍ବିଟରରେ ଏହି ଖବର ସେୟାର କରି କହିଛନ୍ତି ଯେ, ଓସ୍କାର ପୁରସ୍କାର 2023 ପାଇଁ ଭୋଟ୍ ହୋଇଯାଇଛି । ଏହି ଖବର ଜାଣି ତାଙ୍କ ପ୍ରଶଂସକ ବହୁତ ଖୁସିଥିବା ନଜର ଆସିଛନ୍ତି । ସୂରିଆ ତାମିଲ ଚଳଚ୍ଚିତ୍ର ଇଣ୍ଡଷ୍ଟ୍ରିର ପ୍ରଥମ ଅଭିନେତା ଯିଏ ଓସ୍କାରର ଭୋଟ୍ କମିଟିରେ ସାମିଲ ହୋଇଛନ୍ତି । ଏହି ସଫଳତା ପାଇଁ ଅଭିନେତାଙ୍କ ପ୍ରଶଂସକମାନେ ତାଙ୍କୁ ଅଭିନନ୍ଦନ ଜଣାଇଛନ୍ତି ।
ତେବେ ଅଭିନେତା ସୂରିୟା ସାଉଥ ଜଗତରେ ଅନେକ ହିଟ ଫିଲ୍ମରେ ଅଭିନୟ କରି ସଫଳତା ସହ ଲୋକପ୍ରିୟତା ହାସଲ କରିଛନ୍ତି । ନିଖୁଣ ଅଭିନୟ ପାଇଁ 2022 ସେପ୍ଟେମ୍ବର 30ରେ 68ତମ ଜାତୀୟ ଫିଲ୍ମ ଆୱାର୍ଡରେ ଶ୍ରେଷ୍ଠ ଅଭିନେତା ଭାବେ ସମ୍ମାନିତ ହୋଇଥିଲେ।