ମୁମ୍ବାଇ: ପୁଣି ଆଡୁଆରେ ଫସିଲେ ସୁପରଷ୍ଟାର ଶାହରୁଖ ଖାନଙ୍କ ଲାଡଲା ପୁଅ ଆର୍ଯ୍ୟନ୍ ଖାନ । ବର୍ତ୍ତମାନ କ୍ଲବରେ ପାର୍ଟି କରୁଥିବା ଆର୍ଯ୍ୟନ୍ ଖାନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଗତ 14 ତାରିଖରେ ଆର୍ଯ୍ୟନଙ୍କୁ ପାସପୋର୍ଟ ଫେରାଇବାକୁ NCBକୁ ନିର୍ଦ୍ଦେଶ ଦେଇଥିଲେ ସ୍ୱତନ୍ତ୍ର ଏନଡିପିଏସ୍ କୋର୍ଟ । ଏହାସହ ଦାଖଲ କରିଥିବା ଜାମିନ ବଣ୍ଡକୁ ମଧ୍ୟ ରଦ୍ଦ କରିବାକୁ ନିର୍ଦ୍ଦେଶ ଦେଇଥିଲେ କୋର୍ଟ । ସପ୍ତାହେ ପରେ ଏବେ ପୁଣି ଥରେ ଏକ ଭିଡିଓ ଭାଇରାଲ ହେବାରେ ଲାଗିଛି ।
ଗତ ବର୍ଷ କ୍ରୁଜ୍ ଡ୍ରଗ୍ସ ମାମଲାରେ ଧରା ପଡ଼ିବା ପରଠାରୁ ଲାଇମ୍ଲାଇଟରେ ଅଛନ୍ତି ଆର୍ଯ୍ୟନ୍ ଖାନ। ମାସେ ଧରି ଚାଲିଥିବା ଆଇନଗତ ଲଢେଇ ପରେ ଆର୍ଯ୍ୟନ୍ ଖାନଙ୍କୁ ଏନସିବି ଦ୍ୱାରା କ୍ଲିନ୍ ଚିଟ୍ ଦିଆଯାଇଥିଲା । ବର୍ତ୍ତମାନ ଆର୍ଯ୍ୟନ୍ ଖାନଙ୍କ କ୍ଲବରେ ପାର୍ଟି କରୁଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଭିଡିଓ ଇନଷ୍ଟାଗ୍ରାମ ଏବଂ ଟ୍ୱିଟରରେ ବିଭିନ୍ନ ପେଜ୍ରେ ସେୟାର କରାଯାଉଛି। ଏକ ବାର୍ରେ ଆର୍ଯ୍ୟନ୍ଙ୍କ ଦେଖିବାକୁ ମିଳିଛି । କ୍ଲବରେ ମ୍ୟୁଜିକ୍ ବାଜୁଥିବା ମଧ୍ୟ ଶୁଣିବାକୁ ମିଳିଛି । ଭାଇରାଲ୍ ଭିଡିଓରେ କଳା ଟି-ସାର୍ଟରେ ଆର୍ଯ୍ୟନ୍ ଖାନଙ୍କୁ ଦେଖିବାକୁ ମିଳିଛି। ସେ ମୁହଁରେ ମାସ୍କ ପିନ୍ଧିଛନ୍ତି। କିନ୍ତୁ ପରେ ସେ ମାସ୍କ ତଳକୁ କରି ଡ୍ରିଙ୍କ୍ ପିଉଛନ୍ତି ଏବଂ ତା'ପରେ ପୁଣି ମାସ୍କ ପିନ୍ଧୁଛନ୍ତି ।