ହାଇଦ୍ରାବାଦ: ବଲିଉଡର ଚର୍ଚ୍ଚିତ ପ୍ରେମପକ୍ଷୀ ଅର୍ଜୁନ କପୁର ଏବଂ ମଲାଇକା ଆରୋରାଙ୍କ ଏକ ଡ୍ୟାନ୍ସ ଭିଡିଓ ଜବରଦସ୍ତ ଭାଇରାଲ ହେବାରେ ଲାଗିଛି । ଏହି ଭିଡିଓରେ ମଲାଇକା ଜବରଦସ୍ତ ଡ୍ୟାନ୍ସ କରୁଥିବାର ନଜର ଆସିଛନ୍ତି । ଗତକାଲି ରାତିରେ ଅନେକ ବଲିଉଡ ସେଲିବ୍ରିଟି ଏକ ଷ୍ଟାର୍ ପାର୍ଟିରେ ଅଂଶଗ୍ରହଣ କରିଥିଲେ, ଯେଉଁଠାରେ ଅର୍ଜୁନ ତାଙ୍କ ଲେଡି ଲଭ୍ ମଲାଇକାଙ୍କ ସହ ପହଞ୍ଚିଥିଲେ ।
ସୋସିଆଲ ମିଡିଆରେ ଏହି ପାର୍ଟିର ଏକ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ଅର୍ଜୁନ କପୁର ଏବଂ ମଲାଇକା ଆରୋରା ଲୋକପ୍ରିୟ ଗୀତ 'ଚଲ ଛୟା ଛୟା'ରେ ଏକାଠି ନାଚୁଥିବାର ନଜର ଆସିଛନ୍ତି । ଉଲ୍ଲେଖନୀୟ ଯେ, ମଲାଇକା ଆରୋରା 'ଚଲ ଛୟା ଛୟା'ରେ ଗୀତରେ ଶାହାରୁଖ ଖାନଙ୍କ ସହ ଚଳଚ୍ଚିତ୍ର 'ଦିଲ୍ ସେ'ରେ ନାଚିଥିଲେ। ଅର୍ଜୁନ କପୁର ଏକ କଳା ପୋଷାକରେ ଥିବାବେଳେ ମଲାଇକା ଲେହେଙ୍ଗା ପିନ୍ଧି ପାର୍ଟିରେ ପହଞ୍ଚିଥିଲେ । ଏହି ପାର୍ଟିରେ ପ୍ରସିଦ୍ଧ ରାପର ବାଦଶାହ ମଧ୍ୟ ଗୀତ ଗାଇଥିବାର ନଜର ଆସିଛନ୍ତି ।