ମୁମ୍ବାଇ:'ଦ ଆର୍ଚିସ' ପରେ ବେଦାଙ୍ଗ ରାଇନା ନିର୍ଦ୍ଦେଶକ ବାସନ ବାଲାଙ୍କ ଆଗାମୀ ଚଳଚ୍ଚିତ୍ର 'ଜିଗ୍ରା'ରେ ନଜର ଆସିବେ । ଆଲିଆ ଭଟ୍ଟଙ୍କ ସହିତ ସ୍କ୍ରିନ୍ ସେୟାର୍ କରୁଥିବା ଦେଖିବାକୁ ମିଳିବ । ଏହି ଚଳଚ୍ଚିତ୍ରରେ ବେଦାଙ୍ଗ ଆଲିଆ ଭଟ୍ଟଙ୍କ ଭାଇ ଭୂମିକାରେ ନଜର ଆସିବେ । ଏନେଇ ଆର୍ଚିସ ଅଭିନେତା ବେଦାଙ୍ଗ ନିଜର ପ୍ରତିକ୍ରିୟା ଦେବା ସମୟରେ ପ୍ରକାଶ କରିଛନ୍ତି ।
ବେଦାଙ୍ଗ ରାଇନା ନିକଟରେ ଜୋୟା ଅଖତରଙ୍କ ଫିଲ୍ମ 'ଦ ଆର୍ଚିସ' ସହିତ ଡେବ୍ୟୁ କରିଛନ୍ତି । ଏଥିସହ ସେ ଅନ୍ୟ ଚଳଚ୍ଚିତ୍ରରେ ମଧ୍ୟ କାମ କରିବାକୁ ପ୍ରସ୍ତୁତ ଅଛନ୍ତି । ତାଙ୍କୁ ସୁହାନା ଖାନ, ଖୁସି କପୁର, ଅଗସ୍ତ୍ୟ ନନ୍ଦା, ମିହିର ଅହୁଜା, ଯୁବରାଜ ମେଣ୍ଡା ଏବଂ ଡଟ୍ଙ ସହ 'ଦ ଆର୍ଚିସ'ରେ ଦେଖିବାକୁ ମିଳିଥିଲା । ତେବେ ଜିଗ୍ରା ସମ୍ବନ୍ଧୀୟ ଏକ ସାକ୍ଷାତକାରରେ ବେଦାଙ୍ଗଙ୍କୁ ପଚରାଯାଇଥିଲା ଯେ ତାଙ୍କୁ ଜିଗ୍ରାରେ ଆଲିଆଙ୍କ ସହ ଦେଖିବାକୁ ମିଳିବ କି ନାହିଁ । ଯାହାର ଉତ୍ତରରେ ସେ କହିଥିଲେ ଯେ, ସମସ୍ତେ ମୋତେ ସମାନ ପ୍ରଶ୍ନ ପଚାରୁଛନ୍ତି, ମୁଁ ଜାଣେ ନାହିଁ ଏହା କେଉଁ ବିଷୟରେ ? ଏହା ପରେ ଯେତେବେଳେ ତାଙ୍କୁ ଜିଗ୍ରାରେ ଆଲିଆ ଭଟ୍ଟଙ୍କ ଭାଇ ଭୂମିକାରେ ଅଭିନୟ କରିବାକୁ ପଚରାଯାଇଥିଲା । ସେତେବେଳେ ସେ କହିଥିଲେ ଯେ ଏହା ଅତ୍ୟନ୍ତ ମଜାଦାର ଅଟେ ।