ହାଇଦ୍ରାବାଦ:ବଲିଉଡ୍ ଏବଂ କ୍ରିକେଟ୍ ତାରକା ଦମ୍ପତି ଅନୁଷ୍କା ଶର୍ମା ଏବଂ ବିରାଟ କୋହଲି କ୍ରିକେଟ୍ ବିଶ୍ୱକପ୍ 2023 ଜିତିବା ପୂର୍ବରୁ ଫ୍ୟାନ୍ସମାନଙ୍କୁ ଖୁସି ଖବର ଦେଇଛନ୍ତି । ଏହି ଷ୍ଟାର୍ ଦମ୍ପତିଙ୍କ ବିଷୟରେ କୁହାଯାଉଛି ଯେ, ସେମାନେ ପୁଣି ଥରେ ପିତାମାତା ହେବାକୁ ଯାଉଛନ୍ତି । ଅନୁଷ୍କା ଶର୍ମାଙ୍କ ବିଷୟରେ କୁହାଯାଉଛି ଯେ, ସେ ଦ୍ୱିତୀୟ ଥର ଗର୍ଭବତୀ ଅଛନ୍ତି । ବାସ୍ତବରେ ଅନୁଷ୍କାଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଯେଉଁଥିରେ ଅନୁଷ୍କାଙ୍କ ବେବି ବମ୍ପ୍ ଲୁକ୍ ଦେଖିବାକୁ ମିଳିଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ ଅନୁଷ୍କା ତାଙ୍କ ସ୍ବାମୀ ବିରାଟଙ୍କ ସହ ଏକ ହୋଟେଲ ନଜର ଆସିଛନ୍ତି । ବିରାଟ ଅଭିନେତ୍ରୀଙ୍କ ହାତ ଧରିଥିବା ବେଳେ ଏକ କଳା ସାର୍ଟ ଫ୍ଲେରେଡ୍ ଡ୍ରେସ୍ ପିନ୍ଧିଛନ୍ତି ଯେଉଁଥିରେ ତାଙ୍କ ବେବି୍ ବମ୍ପ୍ ଲୁକ୍ ଦେଖିବାକୁ ମିଳିଛି । ସୂଚନା ଥାଉ କି, ଦୀର୍ଘ ଦିନ ଧରି ଖବର ଆସିଥିଲା ଯେ ଅଭିନେତ୍ରୀ ଅନୁଷ୍କା ଶର୍ମା ଦ୍ୱିତୀୟ ଥର ପାଇଁ ମା' ହେବାକୁ ଯାଉଛନ୍ତି । ତେବେ ଏହି ଖବରକୁ କେବଳ ରୁମର ବୋଲି କୁହାଯାଉଥିଲା । କିନ୍ତୁ ବର୍ତ୍ତମାନ ଏହି ଭିଡିଓ ଦେଖି ଅଭିନେତ୍ରୀଙ୍କ ଗର୍ଭଧାରଣ ବିଷୟରେ କଳ୍ପନାଜଳ୍ପନାର ଅନ୍ତ ହୋଇଥିବା ମନେ ହେଉଛି ।