ମୁମ୍ବାଇ: ଟେଲିଭିଡନ ଜଗତରେ ବିଗ ବସ ସହ ଫ୍ୟାନ୍ସଙ୍କ ମନ ଜିତିଥିବା ବେଳେ ଏବେ ବଲିଉଡର ଭାଇଜାନ ସଲମାନ ଖାନଙ୍କୁ ବିଗ୍ ବସ୍ OTT ସିଜନ 2ରେ ଦେଖିବାକୁ ମିଳିବ । ପୂର୍ବରୁ ବିଗ୍ ବସ୍ OTT ପ୍ରଥମ ଭାଗରେ କରନ ଜୋହର ହୋଷ୍ଟ କରୁଥିବା ବେଳେ ବର୍ତ୍ତମାନ ସଲମାନ ସିଜନ 2ର ହୋଷ୍ଟ କରିବେ । ନିକଟରେ ସଲମାନ ଶୋ' ପ୍ରମୋ ରିଲିଜ କରି ସଲମାନ ଫ୍ୟାନ୍ସଙ୍କ ଏହି ଖୁସି ଖବର ଦେଇଥିଲେ। ଏହାରି ମଧ୍ୟରେ ବର୍ତ୍ତମାନ ବିଗ୍ ବସ୍ ସିଜନ 2 ବିଷୟରେ ଆଉ ଏକ ବଡ ଖବର ସାମ୍ନାକୁ ଆସିଛି । କୁହାଯାଉଛି ଯେ ସୋସିଆଲ ମିଡିଆ ସେନସନ ତଥା 'କଚ୍ଚା ବାଦାମ' ଫେମ ଅଞ୍ଜଳି ଅରୋରା ଏହି ଶୋ'ରେ ଏଣ୍ଟ୍ରି କରିଛନ୍ତି । ଏହା ସହିତ କ୍ରିଏଟିଭ ନିର୍ମାତା ମହେଶ ପୂଜାରୀଙ୍କୁ ମଧ୍ୟ ଏହି ଶୋ’ରେ ଦେଖିବାକୁ ମିଳିବ ।
କେବଳ ଏତିକି ନୁହେଁ, କୋରିଓଗ୍ରାଫର ତଥା ଗହର ଖାନଙ୍କ ଦିଅର ଆୱାଜ ଦରବାର ମଧ୍ୟ ସଲମାନ ଖାନଙ୍କ ସୋ’ରେ ପ୍ରବେଶ କରିବାକୁ ଯାଉଛନ୍ତି । କୁହାଯାଉଛି ଯେ ଆୱେଜ ବିଗ୍ ବସ୍ OTT 2 ପାଇଁ ନିଜର ଏକ ପ୍ରମୋ ସୁଟ୍ ମଧ୍ୟ କରିଛନ୍ତି । ବର୍ତ୍ତମାନ ଏହି ତିନୋଟି ସୋସିଆଲ ମିଡିଆ ତାରକା ସଲମାନ ଖାନଙ୍କ ଶୋ’ରେ ସେମାନଙ୍କର ପ୍ରତିଭା ପ୍ରଦର୍ଶନ କରୁଥିବା ଦେଖିବାକୁ ମିଳିବ ।