ହାଇଦ୍ରାବାଦ: ରଣବୀର କପୁର ଏବଂ ବବି ଦେଓଲଙ୍କ ବହୁ ପ୍ରତୀକ୍ଷିତ ପ୍ରତିଶୋଧ ଡ୍ରାମା ଫିଲ୍ମ ଶେଷରେ ରିଲିଜ ହୋଇଛି । ଫିଲ୍ମ ବକ୍ସ ଅଫିସରେ ଧମାକା କରିଛି । ଟ୍ରେଲର ରିଲିଜ ପର ଠାରୁ ସମସ୍ତେ ଏହି ଫିଲ୍ମ ରିଲିଜକୁ ଅପେକ୍ଷା କରି ରହିଥିଲେ । କାରଣ ରଣବୀର କପୁର ଏବଂ ବବି ଦେଓଲଙ୍କ ଆକ୍ସନ ଲୁକ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ବର୍ତ୍ତମାନ ଫିଲ୍ମ ରିଲିଜ ହୋଇଥିବା ବେଳେ ଫିଲ୍ମ ଦେଖି ସୋସିଆଲ ମିଡିଆରେ ନିଜ ମତାମତ ଦେଇଛନ୍ତି ୟୁଜର୍ସ । ତେବେ ଫିଲ୍ମକୁ ବ୍ଲକବ୍ଲଷ୍ଟର ଟ୍ୟାଗ ଦେଇଛନ୍ତି ୟୁଜର୍ସ ।
ଟ୍ରେଡ ଆନାଲିଷ୍ଟ ତରଣ ଆଦର୍ଶଙ୍କ ଅନୁଯାୟୀ ଏହି ଫିଲ୍ମ ଏକ ବଡ଼ ହିଟ୍ ହୋଇଛି । ସେ ଏକ୍ସରେ ଏକ ପୋଷ୍ଟ ସେୟାର କରି ଲେଖିଛନ୍ତି: "ଆନିମଲ୍ ଏକ ଚମତ୍କାର ନୋଟ୍ରୁ ଆରମ୍ଭ ହୁଏ । ସହରାଞ୍ଚଳ କେନ୍ଦ୍ରରୁ ମାସ ପକେଟ୍ ପର୍ଯ୍ୟନ୍ତ, ମଲ୍ଟିପ୍ଲେକ୍ସରୁ ସିଙ୍ଗଲ୍ ସ୍କ୍ରିନ୍ ପର୍ଯ୍ୟନ୍ତ, ଟାୟାର୍-1 ରୁ ଟାୟାର୍-୨ ଏବଂ ଟାୟାର୍ -3 କେନ୍ଦ୍ର, ପୂର୍ବ, ପଶ୍ଚିମ ଏବଂ ଉତ୍ତର ଦକ୍ଷିଣରୁ ରଣବୀର କପୁରଙ୍କ ଫିଲ୍ମ 'ଆନିମଲ' ସବୁଠାରୁ ବଡ ଓପନିଂ ଫିଲ୍ମ ହେବ ନିଶ୍ଚିତ ।' ସେହିପରି ୟୁଜର୍ସ ମାନେ ମଧ୍ୟ ଫିଲ୍ମକୁ ନେଇ ବେଶ ପ୍ରଶଂସା କରିଛନ୍ତି ।
ଜଣେ ୟୁଜର୍ସ ଏକ୍ସରେ ପୋଷ୍ଟ କରି ଲେଖିଛନ୍ତି:ଦଶନ୍ଧି ପରେ ପ୍ରଥମ ଦିନର ପ୍ରଥମ ଶୋ' ଦେଖିଲି । ଆନିମଲ ଏକ ବଡ଼ ହିଟ୍ ଫିଲ୍ମ ହେବାକୁ ଯାଉଛି । ସନ୍ଦୀପ ରେଡ୍ଡୀ ଭଙ୍ଗା ନିଜ କାର୍ଯ୍ୟରେ ନିଖୁଣ ବୋଲି କରିଦେଖାଇଛନ୍ତି ରଣବୀର କପୁରଙ୍କ ଅଭିନୟ ଏକ ଭିନ୍ନ ସ୍ତରର ରହିଛି । ସମସ୍ତେ ଏହି ଚଳଚ୍ଚିତ୍ର ଦେଖନ୍ତୁ । ଆଉ ଜଣେ ଫିଲ୍ମର ଏକ ସିନକୁ ଏକ୍ସରେ ସେୟାର କରି ଲେଖିଛନ୍ତି, 'ଫୁଲ୍ ବ୍ଲାଷ୍ଟ ମୋଡ୍, ବ୍ଲକବଷ୍ଟର ହେବ ଫିଲ୍ମ ।' ଅନ୍ୟ ଜଣେ ୟୁଜର୍ସ ଲେଖିଛନ୍ତି, ରଣବୀର କପୁର ଶୋ'ର ୱାନ ମ୍ୟାନ । ପିତା ଏବଂ ପୁଅର ଭାବନା, କ୍ଲାଇମାକ୍ସ ଅସାଧାରଣ, BGM ଏବଂ ସ୍କ୍ରିନ୍ ସ୍କ୍ରିପ୍, ଏହି ଚଳଚ୍ଚିତ୍ରକୁ ବଡ ପରଦାରେ ହାତଛଡା କରନ୍ତୁ ନାହିଁ । ମୋର ମୂଲ୍ୟାୟନ- 3.5/ 5 ।