ହାଇଦ୍ରାବାଦ: ରଣବୀର କପୁର ଏବଂ ରଶ୍ମିକା ମନ୍ଦନାଙ୍କ ଅଭିନୀତ ବହୁ ପ୍ରତୀକ୍ଷିତ ଆକ୍ସନ୍-ଥ୍ରୀଲର ଫିଲ୍ମ 'ଆନିମଲ'କୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିଲେ । ଏହି ଫିଲ୍ମ ଅଗଷ୍ଟ 11ରେ ରିଲିଜ ହେବାର ଥିଲା । ହେଲେ ବର୍ତ୍ତମାନ ଫିଲ୍ମକୁ ନେଇ ଏକ ଖବର ସାମ୍ନାକୁ ଆସିଛି । ଫିଲ୍ମ ରିଲିଜ ଡେଟକୁ ସ୍ଥଗିତ ରଖିଛନ୍ତି ନିର୍ମାତା । ତେବେ ଏହି ଫିଲ୍ମ ଅଗଷ୍ଟ 11ରେ ରିଲିଜ ହେବାକୁ ଥିବା ସନ୍ନି ଦେଓଲଙ୍କ ପାୱାର ଆକ୍ସନ୍ ଫିଲ୍ମ ଗଦର 2ଏବଂ ଅକ୍ଷୟ କୁମାରଙ୍କ ଓ ମାଇ ଗଡ ୨ ସହ ଟକ୍କର ଦେବନି ।
ଟ୍ରେଡ ଆନାଲିଷ୍ଟ ତରଣ ଆଦର୍ଶ ଶନିବାର ଟ୍ୱିଟରରେ ଫିଲ୍ମକୁ ନେଇ ଅପଡେଟ୍ ସେୟାର କରିଛନ୍ତି । ସେ ଟୁଇଟ୍ କରି କହିଛନ୍ତି, ''ସ୍ୱାଧୀନତା ଦିବସ ସପ୍ତାହରେ 'ଆନିମଲ' ଆସୁନାହିଁ । ଅଭିନେତା ରଣବୀର କପୁର ଏବଂ ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭଙ୍ଗାଙ୍କ ଫିଲ୍ମ 'ଆନିମୋଲ' 11 ଅଗଷ୍ଟରେ ଆଉ ରିଲିଜ କରିବ ନାହିଁ । ଫିଲ୍ମର ରିଲିଜ୍ ତାରିଖକୁ ସ୍ଥଗିତ ରଖାଯାଇଛି । ଖୁବଶୀଘ୍ର ଏକ ନୂତନ ରିଲିଜ୍ ତାରିଖ ଘୋଷଣା କରାଯିବ ।"
ଗଣମାଧ୍ୟମର ରିପୋର୍ଟ ଅନୁଯାୟୀ, ଫିଲ୍ମର ଭିଏଫଏକ୍ସ କାମ ସରିନଥିବା ବେଳେ ରିଲିଜ୍ ତାରିଖ ସ୍ଥଗିତ ରଖାଯାଇଥିବା କୁହାଯାଉଛି। ସେପଟେ ଏହା ମଧ୍ୟ କୁହାଯାଉଛି ଯେ, ଅଗଷ୍ଟ 11ରେ ସନି ଦେଓଲଙ୍କ ଫିଲ୍ମ 'ଗଦର ୨' ଏବଂ ଅକ୍ଷୟ କୁମାରଙ୍କ ଅଭିନୀତ 'ଓଏମଜି ୨' ରିଲିଜ ହେଉଛି । ଏଭଳି ପରିସ୍ଥିତିରେ, ଏହି ବ୍ଲକବଷ୍ଟର ଚଳଚ୍ଚିତ୍ରର ସିକ୍ୱେଲ ସମ୍ମୁଖରେ ରଣବୀର କପୁରଙ୍କ ଫିଲ୍ମରେ ବହୁତ କ୍ଷତି ହେବାର ସମ୍ଭାବନା ରହିଛି । ଯେଉଁଥିପାଇଁ ନିର୍ମାତାମାନେ ଫିଲ୍ମର ରିଲିଜ ତାରିଖକୁ ଘୁଞ୍ଚାଇବାକୁ ନିଷ୍ପତ୍ତି ନେଇଛନ୍ତି ।