ହାଇଦ୍ରାବାଦ:ପଞ୍ଜାବ କିଙ୍ଗ୍ସ ଓ କୋଲକାତା ନାଇଟ୍ ରାଇଡର୍ସ ମଧ୍ୟରେ ଶୁକ୍ରବାର ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍)-୨୦୨୨ର ୮ମ ମ୍ୟାଚ ଖେଳାଯାଇଛି। ଏହି ମୁକାବିଲାରେ ପଞ୍ଜାବ ପ୍ରଥମେ ବ୍ୟାଟିଂ କରି ୧୩୭ ରନ୍ ସଂଗ୍ରହ କରିଥିଲା। କୋଲକାତା ବିଜୟ ଲକ୍ଷ୍ୟକୁ ୪ଟି ୱିକେଟ ହରାଇ ୧୪.୩ ଓଭରରେ ପୁରା କରିଛି ।
ବାଙ୍ଗାଲୋର ବିପକ୍ଷରେ ହାରିବା ପରେ ପୁଣି ଥରେ କୋଲକାତା ନାଇଟ୍ ରାଇଡର୍ସ ଫର୍ମକୁ ଫେରିଛି । କୋଲକାତାର ୬ ୱିକେଟ ବିଜୟର ନାୟକ ସାଜିଛନ୍ତି ଆନ୍ଦ୍ରେ ରସେଲ ଓ ଉମେଶ ଯାଦବ । ଆନ୍ଦ୍ରେ ରସେଲଙ୍କ ଖରାପ ବୋଲିଂ କାରଣରୁ କୋଲକାତା ପୂର୍ବରୁ ବାଙ୍ଗାଲୋର ବିପକ୍ଷରେ ହାରିଥିଲା । କିନ୍ତୁ ପଞ୍ଜାବ ବିପକ୍ଷରେ ୩୧ଟି ବଲ ଖେଳି ବିସ୍ଫୋରକ ୭୦ ରନ୍ ସଂଗ୍ରହ କରିଥିଲେ। ସେ ୨ଟି ଚୌକା ଓ ୮ଟି ଛକା ମାରି ଦଳର ସ୍କୋରକୁ ମଜବୁତ କରିଥିଲେ। ରସେଲ ନିଜର ଅର୍ଦ୍ଧଶତକ ମାତ୍ର ୨୭ଟି ବଲ୍ରେ ପୂରା କରିଥିଲେ। ତେବେ ଗୋଟେ ପଟେ ରସେଲ ଚଉକାଛକା ବର୍ଷା କରୁଥିବାବେଳେ ତାଙ୍କ ପତ୍ନୀ ମଡେଲ୍ ଜେସିମ ଲୋରା ସୋସିଆଲ ମିଡିଆରେ ନିଜର ବୋଲ୍ଡ ଫଟୋ ସହିତ ଫ୍ୟାନ୍ସଙ୍କ ଦୃଷ୍ଟି ଆକର୍ଷଣ କରୁଛନ୍ତି। ସୋସିଆଲ ମିଡ଼ିଆର ସେନସେସନ୍ ପାଲଟିଯାଇଛନ୍ତି ଆନ୍ଦ୍ରେ ରସେଲଙ୍କ ପତ୍ନୀ ଜେସିମ ଲୋରା। ବୃତ୍ତି ଅନୁଯାୟୀ ଜେସିମ ଜଣେ ମଡେଲ। ସେ ଆମେରିକାର ମିଆମିରେ ଜନ୍ମଗ୍ରହଣ କରିଛନ୍ତି।
ଦୀର୍ଘ ସମୟ ଧରି ପରସ୍ପରକୁ ଡେଟିଂ କରିବା ପରେ, ରସେଲ ଏବଂ ଜେସିମ 2014 ମସିହାରେ ନିର୍ବନ୍ଧ କରିଥିଲେ ଏବଂ 2016 ମସିହାରେ ଉଭୟ ବିବାହ କରିଥିଲେ। ବିବାହ ପରେ ଜେସିମ ବର୍ତ୍ତମାନ ଜମୈକାରେ ରୁହନ୍ତି । 2020 ମସିହାରେ, ଜେସିମ୍ ଏକ ଝିଅ ଜନ୍ମ ଦେଇଥିଲେ । ରସେଲ ଏବଂ ଜାସିମଙ୍କ ଝିଅର ନାମ ଆଲିଆ ରସେଲ ।