ମୁମ୍ବାଇ: ଫ୍ୟାନ୍ସଙ୍କ ଅପେକ୍ଷାର ହେଲା ଅନ୍ତ । ଅନନ୍ୟା ପାଣ୍ଡେ, ସିଦ୍ଧାର୍ଥ ଚତୁର୍ବେଦୀ ଏବଂ ଆଦର୍ଶ ଗୌରବଙ୍କ ଆଗାମୀ ଓ୍ବେବ୍ ଚଳଚ୍ଚିତ୍ର 'ଖୋ ଗୟେ ହମ୍ କାହାଁ'ର ଟ୍ରେଲର । ଟିମ୍ କିଛି ଦିନ ପୂର୍ବରୁ ଫିଲ୍ମର ପ୍ରମୋସନ ଆରମ୍ଭ କରିଥିବା ବେଳେ ଫିଲ୍ମକୁ ନେଇ ବେଶ ଉତ୍ସାହର ସହ ଅପେକ୍ଷା କରିଛନ୍ତି ଫ୍ୟାନ୍ସ । ଏହାରି ମଧ୍ୟରେ ନିର୍ମାତା ଫିଲ୍ମ ରିଲିଜର କିଛି ଦିନ ପୂର୍ବରୁ ଟ୍ରେଲର ରିଲିଜ କରିଛନ୍ତି ।
ଫିଲ୍ମ ନିର୍ମାତା ଗତକାଲି ଅର୍ଥାତ ଡିସେମ୍ବର 10ରେ ନିଜ ଅଫିସିଆଲ ଇନଷ୍ଟାଗ୍ରାମରେ ଫିଲ୍ମର ଟ୍ରେଲରକୁ ସେୟାର କରିଛନ୍ତି । ଏଥିସହ କ୍ୟାପସନରେ ଲେଖିଛନ୍ତି, "ଏହା ସହିତ ସଂଯୋଗ ମଜଭୁତ ଅଛି । ଆହାନା, ଇମାଦ୍ ଏବଂ ନୀଲଙ୍କୁ ଖୋ ଗୟେ ହମ୍ କାହାଁରେ ପ୍ରେମ, ବନ୍ଧୁତା ଏବଂ ହାର୍ଟ ବ୍ରେକ ବିଷୟରେ କୁହାଯାଇଛି । ଏହା ଡିସେମ୍ବର 26ରେ ନେଟଫ୍ଲିକ୍ସରେ ମୁକ୍ତିଲାଭ କରିବ ।"
ଅର୍ଜୁନ୍ ବାରେନ ସିଂଙ୍କ ନିର୍ଦ୍ଦେଶିତ ଫିଲ୍ମ ' ଗୟେ ହମ୍ କାହାଁ'ର ଟ୍ରେଲର ବିଷୟରେ କହିବାକୁ ଗଲେ ଟ୍ରେଲରରେ ଏପରି ଏକ ଦୁନିଆ ବିଷୟରେ କୁହାଯାଇଛି ଯେଉଁଥିରେ ଅଧିକାଂଶ ଲୋକ ସୋସିଆଲ ମିଡିଆରେ ନିଜ ବ୍ୟକ୍ତିଗତ ଜୀବନ ବିଷୟରେ ସେୟାର କରୁଛନ୍ତି । କିନ୍ତୁ ଏସବୁ ମଧ୍ୟରେ ପ୍ରକୃତ ସଂଯୋଗ ଏବଂ ବନ୍ଧୁତ୍ୱର ମହତ୍ତ୍ବ ସର୍ବୋଚ୍ଚ ରହିଥାଏ | ଅର୍ଜୁନ ବାରେନ୍ ସିଂଙ୍କ ନିର୍ଦ୍ଦେଶନାରେ ଡେବ୍ୟୁ ହେଉଛି ତିନିଜଣ ସାଙ୍ଗଙ୍କ କାହାଣୀକୁ ଏହି ଫିଲ୍ମରେ ସୁନ୍ଦର ଭାବେ ଦର୍ଶାଯାଇଛି । ତେବେ ଟ୍ରେଲର ଏକ ଝଲକ ଦେଇଥାଏ କି ଆଗକୁ କ'ଣ ହେବ । ଫିଲ୍ମରେ ଭରପୁର ଡ୍ରାମା ଦେଖିବାକୁ ମିଳିବ ।