ମୁମ୍ବାଇ: ଅମ୍ବାନୀ ପରିବାରରେ ଏବେ ଚାଲିଛି ଖୁସିର ମାହୋଲ । ବର୍ତ୍ତମାନ ଆଉ ଏକ ଖୁସି ଖବର ସାମ୍ନାକୁ ଆସିଛି । ଦେଶର ଦ୍ୱିତୀୟ ଧନୀ ବ୍ୟକ୍ତି ତଥା ବ୍ୟବସାୟୀ ମୁକେଶ ଅମ୍ବାନୀ ଏବଂ ନୀତା ଅମ୍ବାନୀଙ୍କ ସାନପୁଅ ଅନନ୍ତ ଅମ୍ବାନୀ (Anant Ambani) ଙ୍କ ନିର୍ବନ୍ଧ ସରିଛି। ଅନନ୍ତ ଅମ୍ବାନୀଙ୍କ ନିର୍ବନ୍ଧ ରାଧିକା ମର୍ଚାଣ୍ଟଙ୍କ ସହ ହୋଇଛି । ଖୁବ୍ ଶୀଘ୍ର ଉଭୟ ବିବାହ ବନ୍ଧନରେ ବାନ୍ଧି ହେବେ । ନିର୍ବନ୍ଧ (Anant Ambani Radhika Merchant Roka Ceremony )ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି। କିଛି ଦିନ ତଳେ ମୁକେଶ ଅମ୍ବାନିଙ୍କ ଝିଅ ଇଶା ଯାଆଁଳା ସନ୍ତାନଙ୍କ ସହ ଭାରତ (ମୁମ୍ବାଇ) ଫେରିଥିବାବେଳେ ଆଜି ତାଙ୍କ ସାନ ପୁଅର ନିର୍ବନ୍ଧ ରାଜସ୍ଥାନର ଶ୍ରୀଜଗନ୍ନାଥ ମନ୍ଦିରରେ ହୋଇଛି।
ଅନନ୍ତ ଏବଂ ରାଧିକା ବିବାହ
ଅନନ୍ତ ଏବଂ ରାଧିକା କେବେ ବିବାହ କରିବେ ସେ ସମ୍ପର୍କରେ କୌଣସି ସୂଚନା ପ୍ରକାଶ ପାଇନାହିଁ। ଅନନ୍ତ ଏବଂ ରାଧିକା ପରସ୍ପରକୁ ଦୀର୍ଘ ଦିନରୁ ଜାଣିଛନ୍ତି । ୨୦୧୮ ମସିହାରେ, ଉଭୟଙ୍କ ଏକ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହି ଫଟୋରେ ତାଙ୍କୁ ସବୁଜ ପୋଷାକରେ ଦେଖିବାକୁ ମିଳିଥିଲା । ରାଧିକାଙ୍କୁ ଅମ୍ବାନୀ ପରିବାରର ପ୍ରତ୍ୟେକ ପାରିବାରିକ କାର୍ଯ୍ୟରେ ଦେଖିବାକୁ ମିଳେ । ତେବେ ଖୁବ୍ ଶୀଘ୍ର ରାଧିକା ଅମ୍ବାନୀ ପରିବାରର ସାନ ବୋହୂ ହେବେ । ଅନନ୍ତ ଏବଂ ରାଧିକାଙ୍କ ନିର୍ବନ୍ଧ ପରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ନିର୍ଦ୍ଦେଶକ ପରିମଲ୍ ନାଥୱାନି ଟ୍ୱିଟ୍ କରି ଉଭୟଙ୍କୁ ଅଭିନନ୍ଦନ ଜଣାଇଛନ୍ତି।
ଏହା ବି ପଢନ୍ତୁ:ଯମଜ ସନ୍ତାନ ସହ ମୁମ୍ଵାଇ ଫେରିଲେ ଇଶା, 300KG ସୁନା ଦାନ କରିବେ ଅମ୍ବାନୀ