ହାଇଦ୍ରାବାଦ: କ୍ରିକେଟ୍ ବିଶ୍ୱକପ୍ ୨୦୨୩ରେ ଟିମ୍ ଇଣ୍ଡିଆର ପରାଜୟ ପରେ ଖେଳାଳୀମାନେ ଭାବବିହ୍ୱଳ ହେବା ସହ ପ୍ରତ୍ୟେକ ଭାରତୀୟ ନିରାଶ ହୋଇଛନ୍ତି । ଭାରତର ବିଶ୍ୱକପ ରେକର୍ଡକୁ ଦେଖି ସମସ୍ତେ ଭାବିଥିଲେ ଯେ ବିଶ୍ୱକପ ଘରକୁ ଆସିବ, କିନ୍ତୁ ତାହା ସମ୍ଭବ ହୋଇପାରିଲା ନାହିଁ । କିନ୍ତୁ ଏହି ଟୁର୍ଣ୍ଣାମେଣ୍ଟରେ ଭାରତର ଦମଦାର ପ୍ରଦର୍ଶନକୁ ସମସ୍ତେ ପ୍ରଶଂସା କରୁଛନ୍ତି । ଉଭୟ ପ୍ରଶଂସକ ଏବଂ ସେଲିବ୍ରିଟି ସୋସିଆଲ ମିଡିଆରେ ଟିମ ଇଣ୍ଡିଆର ପରାଜୟ ସତ୍ତ୍ବେ ଟିମକୁ ସମର୍ଥନ କରିବା ସହ ଉତ୍ସାହିତ କରିଛନ୍ତି । ଶାହାରୁଖ ଖାନଙ୍କ ସହ କରଣ କୁନ୍ଦ୍ରାଙ୍କ ସମେତ ପ୍ରତ୍ୟେକ ତାରକା ତାଙ୍କୁ ସାନ୍ତ୍ୱନା ଦେଉଥିବାର ନଜର ଆସିଥିଲେ । ଏହି ସମୟରେ ଅମିତାଭ ବଚ୍ଚନ ବର୍ତ୍ତମାନ ହୃଦୟସ୍ପର୍ଶୀ ଟ୍ୱିଟ୍ କରି ଭାରତକୁ ଉତ୍ସାହିତ କରିଛନ୍ତି ଏବଂ ଗର୍ବର ସହିତ ମୁଣ୍ଡକୁ ଉଚ୍ଚ ରଖିବାକୁ କହିଛନ୍ତି ।
ଅମିତାଭ ବଚ୍ଚନ ଇନଷ୍ଟାଗ୍ରାମରେ ନିଜର ଏକ ଫଟୋ ସହ ଏକ ପୋଷ୍ଟ ସେୟାର କରିଛନ୍ତି । ଫଟୋରେ ବିଗ ବିଙ୍କ ହାତରେ ଏକେ ବ୍ୟାଣ୍ଡେଜ୍ ଲଗାଯାଇଥିବା ଦେଖିବାକୁ ମିଳିଛି । ଏହା ସେୟାର କରି ସେ କ୍ୟାପ୍ସନରେ ଲେଖିଛନ୍ତି, ନା ... ନା ... ନା ଟିମ୍ ଇଣ୍ଡିଆ, ଏପର୍ଯ୍ୟନ୍ତ କିଛି ଶେଷ ହୋଇନାହିଁ, ତୁମେ ଆମର ଗର୍ବ, ତୁମେ ଆମର ହୃଦୟ । ଏଥିସହ ସେ ଟ୍ୱିଟ୍ କରି କହିଛନ୍ତି, "ତୁମର ପ୍ରତିଭା, ଦକ୍ଷତା ଏବଂ ପ୍ରତିଷ୍ଠା ଏସବୁଠାରୁ ବହୁତ ଆଗରେ ଅଛି । ଯାହା ଶୀର୍ଷରେ ଅଛି । ତୁମ ୧୦ଜଣ ଖେଳାଳିଙ୍କ ଦ୍ୱାରା ଖେଳାଯାଇଥିବା ଖେଳ ସ୍ପଷ୍ଟ ଭାବରେ ଫଳାଫଳକୁ ଦର୍ଶାଇଛି । ତୁମେ ଅନ୍ୟ ଦଳକୁ ଭୟଭୀତ କରିଛ । ତୁମେ ସବୁବେଳେ ଚମ୍ପିଆନ ହୋଇ ରହିବ ।