ହାଇଦ୍ରାବାଦ:ଭାରତର ସ୍ୱପ୍ନକୁ ପୂରଣ କରିବା ପାଇଁ ଟିମ୍ ଇଣ୍ଡିଆ ଆଉ ମାତ୍ର ଗୋଟିଏ ପାଦ ଦୂରରେ ରହିଛି । କ୍ରିକେଟ୍ ବିଶ୍ୱକପ୍ 2023 ର ସେମିଫାଇନାଲରେ ଟିମ୍ ଇଣ୍ଡିଆ ଭାରତ ନ୍ୟୁଜିଲ୍ୟାଣ୍ଡକୁ 70 ରନରେ ପରାସ୍ତ କରି ଫାଇନାଲରେ ନିଜ ସ୍ଥାନ ପକ୍କା କରିଛି । ଫାଇନାଲରେ ପହଞ୍ଚିବା ପରେ ଭାରତକୁ ସମଗ୍ର ଦେଶ ଅଭିନନ୍ଦନ ଜଣାଉଛି । ଏହି ସମୟରେ ବଲିଉଡ ମେଗାଷ୍ଟାର ଅମିତାଭ ବଚ୍ଚନ ଟିମ୍ ଇଣ୍ଡିଆର ସାନଦାର ବିଜୟରେ ସେ ଏକ ପୋଷ୍ଟ ସେୟାର କରିଛନ୍ତି । ଯାହା ଏବେ ବେଶ ଭାଇରାଲ ହେବାରେ ଲାଗିଛି । ତେବେ ବର୍ତ୍ତମାନ ତାଙ୍କର ଏହି ପୋଷ୍ଟକୁ ନେଇ ତାଙ୍କୁ ଚେତାବନୀ ମିଳୁଛି ।
ଅମିତାଭ ବଚ୍ଚନ ନିଜ ପୋଷ୍ଟ ପାଇଁ ସବୁବେଳେ ଚର୍ଚ୍ଚାରେ ଥାଆନ୍ତି । ସେ ସର୍ବଦା ନିଜ ପୋଷ୍ଟ ମାଧ୍ୟମରେ ଫ୍ୟାନ୍ସଙ୍କ ମନୋରଞ୍ଜନ କରିଥାଆନ୍ତି । ଠିକ୍ ସେହିପରି ଏବେ ମଧ୍ୟ ସେ ଏକ ପୋଷ୍ଟ କରିଛନ୍ତି । ହେଲେ ଏହି ପୋଷ୍ଟ ସେୟାର ହେବା ପରେ ବିଗ ବିଙ୍କୁ ଧମକ ମିଳୁଛି । ବାସ୍ତବରେ, ଟିମ୍ ଇଣ୍ଡିଆ ରୋମାଞ୍ଚକର ସେମିଫାଇନାଲ ମ୍ୟାଚ୍ ଜିତିବା ପରେ ଅମିତାଭ ବଚ୍ଚନ ତାଙ୍କ ଏକ୍ସ ପୋଷ୍ଟରେ ଲେଖିଛନ୍ତି, 'ଯେତେବେଳେ ମୁଁ ମ୍ୟାଚ୍ ଦେଖୁ ନାହିଁ... ତେବେ ଆମେ ଜିତୁ'। ବର୍ତ୍ତମାନ ଅମିତାଭ ବଚ୍ଚନଙ୍କ ଏହି ପୋଷ୍ଟ ଭାଇରାଲ ହେବାରେ ଲାଗିଛି । ଅନେକ ୟୁଜର୍ସ ବର୍ତ୍ତମାନ ଅମିତାଭ ବଚ୍ଚନଙ୍କୁ ଚେତାବନୀ ଦେଉଛନ୍ତି ।
ବିଗ୍ ବିଙ୍କୁ 'ଧମକ' ମିଳିଲା