ହାଇଦ୍ରାବାଦ: ସାଉଥ ଇଣ୍ଡଷ୍ଟ୍ରିର ବ୍ଲକବ୍ଲଷ୍ଟର ଫିଲ୍ମ 'ଆରଆରଆର'ର ସୁପରହିଟ୍ ଗୀତ ନାଟୁ-ନାଟୁ ଓସ୍କାର ଜିତି ସାରା ବିଶ୍ବରେ ସମ୍ମାନ ସହ ପ୍ରଶଂସା ସାଉଁଟିପାରିଛି । ତେବେ ଏହି ଐତିହାସିକ ବିଜୟ ନେଇ ଭାରତରେ ବିଜୟ ଉତ୍ସବ ପାଳନ କରାଯାଉଥିବାବେଳେ ଆରଆରଆର ଟିମ୍ ଆମେରିକାରେ ଉତ୍ସବ ପାଳନ କରୁଥିବା ଦେଖିବାକୁ ମିଳିଛି। ଏହାରି ମଧ୍ୟରେ ଆମେରିକାର କାଲିଫର୍ଣ୍ଣିଆର ଏକ ଡ୍ୟାନ୍ସ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ଆମେରିକୀୟ ସିପାହୀମାନେ ଏହି ଗୀତରେ ଡ୍ୟାନ୍ସ କରୁଥିବାର ନଜର ଆସିଛନ୍ତି । ଯାହାକୁ ଫ୍ୟାନ୍ସ ଲାଇକ କରିବା ସହ ବିଦେଶରେ ଏହାର କ୍ରେଜ ଦେଖି ଖୁସି ହୋଇଛନ୍ତି।
ତେବେ ନାଟୁ-ନାଟୁ ଗୀତର କ୍ରେଜ କେବଳ ଦେଶବାସୀଙ୍କ ମଧ୍ୟରେ ନୁହେଁ ଏହା ବିଦେଶୀରେ ମଧ୍ୟ ଦେଖିବାକୁ ମିଳିଛି। ଏହି ଗୀତରେ ଓସ୍କାର ମଞ୍ଚରେ ବିଦେଶୀ କଳାକାରମାନେ ନିଜ ଦମଦାର ଡ୍ୟାନ୍ସ ପ୍ରଦର୍ଶନ କରିଥିବା ଦେଖିବାକୁ ମିଳିଥିଲା। ଏବେ ଏହି ଗୀତରେ ଆମେରିକାର କାଲିଫର୍ଣ୍ଣିଆର ଆମେରିକୀୟ ସିପାହୀମାନଙ୍କ ଏକ ଡ୍ୟାନ୍ସ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ସେମାନେ ନାଟୁନାଟୁ ଗୀତରେ ଡ୍ୟାନ୍ସ କରୁଥିବାର ନଜର ଆସିଛନ୍ତି । ସେମାନେ ଏହି ଗୀତରେ ଡ୍ୟାନ୍ସ ଷ୍ଟେପ୍ ମିଶାଇବାକୁ ଚେଷ୍ଟା କରୁଥିବା ମଧ୍ୟ ଦେଖିବାକୁ ମିଳିଛି।