ମୁମ୍ବାଇ: ବଲିଉଡ ଅଭିନେତ୍ରୀ କରୀନା କପୁର ଖାନ ବି-ଟାଉନର ଏକ ଜଣାଶୁଣା ନାମ । କରୀନା ନିଜ କ୍ୟାରିୟରରେ ଏ ପର୍ଯ୍ୟନ୍ତ ଅନେକ ହିଟ୍ ଫିଲ୍ମରେ କାମ କରି ନିଜ ପାଇଁ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି । ଅଭିନେତ୍ରୀ ଆଜି ତାଙ୍କର 43 ତମ ଜନ୍ମଦିନ ପାଳନ କରୁଛନ୍ତି । ଏହି ବିଶେଷ ଅବସରରେ କରୀନା ଅଭିନେତ୍ରୀ ଆଲିଆ ଭଟ୍ଟ, କରିସ୍ମା କପୁର, ମଲାଇକା ଆରୋରା, ଅମୃତା ଆରୋରାଙ୍କ ସମେତ ବଲିଉଡ ସେଲିବ୍ରିଟିଙ୍କ ତରଫରୁ ଶୁଭେଚ୍ଛା ଜଣାିଛନ୍ତି । ସେଲିବ୍ରିଟିମାନେ ସୋସିଆଲ ମିଡିଆରେ ତାଙ୍କ ଫଟୋ ପୋଷ୍ଟ କରି ବେବୋଙ୍କୁ ଅଭିନନ୍ଦନ ଜଣାଇଛନ୍ତି ।
କରୀନାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଲେ ଅମୃତା କରୀନାଙ୍କୁ ଶୁଭେଚ୍ଛା ଜଣାଇଲେ ଆଲିଆ
କରିନାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଲେ ଆଲିଆ ଭଟ୍ଟ ବଲିଉଡ ଅଭିନେତ୍ରୀ ଆଲିଆ ତାଙ୍କ ନଣନ୍ଦ କରୀନାଙ୍କ ଫଟୋ ପୋଷ୍ଟ କରି ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏଥି ସହିତ ସେ ଲେଖିଛନ୍ତି-, 'ଟୁ ଦ ଅଲ୍ଟିମେଟ କୁଇନ୍, ହାପି ବର୍ଥ ଡେ’ ବେବୋ' । ଏହି ସମୟରେ ଭଉଣୀ କରିସ୍ମା କପୁର ସୋସିଆଲ ମିଡିଆରେ ବେବୋଙ୍କ ଜନ୍ମଦିନ ଉତ୍ସବର କିଛି ଫଟୋ ସେୟାର କରିଛନ୍ତି । ଏହା ସହିତ, ନିଜ ଏବଂ ବେବୋଙ୍କର ପିଲାଦିନର ଫଟୋ ସେୟାର କରିବାବେଳେ କରିସ୍ମା କ୍ୟାପସନ୍ ଲେଖିଛନ୍ତି, 'ସର୍ବଦା ତୁମ ପାଖରେ, କାରଣ ତୁମେ ବେଷ୍ଟ, ତୁମକୁ ଅଧିକ ଭଲ ପାଏ ।'
ଏହା ମଧ୍ୟ ପଢନ୍ତୁ: ବିମାନବନ୍ଦରରେ ପରିବାର ସହ ସ୍ପଟ୍ ହେଲେ କରୀନା କପୁର, ଭ୍ୟାକେସନରେ ଜନ୍ମଦିନ ପାଳିବେ ଅଭିନେତ୍ରୀ
ଅଭିନେତ୍ରୀ ମଲାଇକା ମଧ୍ୟ କରୀନାଙ୍କ ସହ ଫଟୋ ସେୟାର କରିଛନ୍ତି ଏବଂ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। କ୍ୟାପସନ୍ରେ ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା ସମସ୍ତଙ୍କର ଜାନେ ଜାନ୍, ଆମର ସୁନ୍ଦର ବେବୋ, ତୁମ ଚାରିପାଖରେ ସବୁବେଳେ ଭଲପାଇବା, ପିଜା, ସାମ୍ପେନ୍ ଏବଂ ଆମ ସମସ୍ତେ ଅଛୁ' । ସେହିପରି କରୀନାଙ୍କୁ ଶୁଭେଚ୍ଛା ଜଣାଇ ଅମୃତା ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା ଜାନେ ଜାନ, ଆଜିର ଦିନଟି ନେଟଫ୍ଲିକ୍ସରେ ମୁକ୍ତିଲାଭ କରିଥିବା ତୁମ ଚଳଚ୍ଚିତ୍ର (ଜାନେ ଜାନ୍) ଦେଖିବାରେ ଅତିବାହିତ ହେବ।'
କରୀନାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଲେ ରିଦ୍ଧିମା କରୀନାଙ୍କ ଫଟୋ ସେୟାର କଲେ ମଲାଇକା ଏହା ମଧ୍ୟ ପଢନ୍ତୁ: Kareena Kapoor B’day: କୋଟିକୋଟି ସମ୍ପତ୍ତିର ମାଲିକାଣୀ କରୀନା, ଦାମୀ ଗାଡିଠୁ ରହିଛି ବିଳାସପୂର୍ଣ୍ଣ ବଙ୍ଗଳା
କରୀନା କପୁର ତାଙ୍କ ଜନ୍ମଦିନ ଅର୍ଥାତ୍ 21 ସେପ୍ଟେମ୍ବରରେ OTT ରେ ଡେବ୍ୟୁ କରିବାକୁ ଯାଉଛନ୍ତି । ତାଙ୍କର ଫିଲ୍ମ 'ଜାନେ ଜାନ' ନେଟଫ୍ଲିକ୍ସରେ ମୁକ୍ତିଲାଭ କରିବାକୁ ଯାଉଛି । ଯେଉଁଥିରେ ବିଜୟ ବର୍ମା, ଜୟଦୀପ ଅହଲାବତଙ୍କ ପରି ଅଭିନେତା କରୀନାଙ୍କ ସହିତ ସ୍କ୍ରିନ୍ ସେୟାର କରିବେ । ଏହା ବ୍ୟତୀତ କରୀନା ଦ କ୍ରୁ ପାଇଁ ମଧ୍ୟ କାମ କରୁଛନ୍ତି । ଏହି ଚଳଚ୍ଚିତ୍ରରେ ତବୁ, କ୍ରିତି ସାନନ୍ ଏବଂ ଦିଲଜିତ୍ ଦୋସାଞ୍ଜଙ୍କୁ ତାଙ୍କ ସହ ସ୍କ୍ରିନ ସେୟାର କରୁଥୁବା ଦେଖିବାକୁ ମିଳିବ । ଏହି ଚଳଚ୍ଚିତ୍ରଟି ମାର୍ଚ୍ଚ 22, 2024ରେ ପ୍ରେକ୍ଷାଳୟରେ ପ୍ରଦର୍ଶିତ ହେବ ।
