ମୁମ୍ବାଇ: ଚର୍ଚ୍ଚାରେ ବଲିଉଡ ଅଭିନେତ୍ରୀ ଆଲିଆ ଭଟ୍ଟ । ପ୍ରଥମେ ମେଟ ଗାଲାରେ ଡେବ୍ୟୁ ପରେ ଗୁଚିର ଗ୍ଲୋବାଲ ବ୍ରାଣ୍ଡ ଆମ୍ବାସାଡର ନେଇ ଶିରୋନାମାରେ ରହିଛନ୍ତି ଆଲିଆ । ଏହାରି ମଧ୍ୟରେ ବର୍ତ୍ତମାନ ସେ ଗୁଚି କ୍ରୁଜ୍ ଶୋ' 2024ରେ ସାମିଲ ହୋଇଛନ୍ତି । ସାଉଥ କୋରିଆର ସିଓଲରେ ଆୟୋଜିତ ଶୋ'ରେ ଗ୍ଲୋବାଲ୍ ବ୍ରାଣ୍ଡ ଆମ୍ବାସାଡର ଭାବେ ଯୋଗ ଦେଇଛନ୍ତି ଆଲିଆ । ଏହି ସମୟରେ ସେ ସାଉଥ କୋରିଆର କଣ୍ଠଶିଳ୍ପୀ ଆଇୟୁଙ୍କ ସହ ନଜର ଆସିଛନ୍ତି । ଦୁହେଁ ଏକାଠି କ୍ୟାମେରା ପାଇଁ ପୋଜ୍ ଦେଇଛନ୍ତି । କଣ୍ଠଶିଳ୍ପୀ IU ସହିତ ଆଲିଆଙ୍କ ଅନେକ ଫଟୋ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି।
ଫଟୋଗୁଡ଼ିକରେ ଆଲିଆ ଭଟ୍ଟ ଆଇୟୁ, ବ୍ଲେକ୍ ଲି, ଡକୋଟା ଜନସନ ଏବଂ ଗୁଚି ସିଇଓ ମାର୍କୋ ବିଜାରିଙ୍କ ସହ କ୍ୟାମେରା ପାଇଁ ପୋଜ୍ କରୁଥିବା ନଜର ଆସିଛନ୍ତି। ବଲିଉଡର 'ଗଙ୍ଗୁବାଇ' ଏହି କାର୍ଯ୍ୟକ୍ରମ ପାଇଁ ପୋଲକା ଡଟ୍ କଟ୍ଆଉଟ୍ ସହ ଏକ ମିନି ବ୍ଲାକ୍ ଆଉଟଫିଟ ପିନ୍ଧିଛନ୍ତି । ଏଥିସହ ସେ ବ୍ଲାକ୍ ହିଲ୍ ଏବଂ ଗୁଚି ଜୈକି 1961 ଟ୍ରାନ୍ସପେରେଣ୍ଟ ବ୍ୟାଗରେ ଖୁବ ସୁନ୍ଦର ଲାଗୁଛନ୍ତି । ସେପଟେ ଆଇୟୁ ଏକ ହ୍ବାଇଟ୍ ଆଉଟଫିଟ ସହ ହ୍ବାଇଟ ହିଲ୍ ଏବଂ ହଳଦିଆ ହ୍ୟାଣ୍ଡବ୍ୟାଗ୍ରେ ନଜର ଆସିଛନ୍ତି । ସେହିପରି ଥାଇ ସୁପରଷ୍ଟାର ଡାଭିକାହ ହୋର୍ନି ମଧ୍ୟ ଏହି ଶୋ'ର ଅନେକ ସୁନ୍ଦର ଫଟୋ ସେୟାର କରିଛନ୍ତି, ଯେଉଁଥିରେ ଆଲିଆ ଏବଂ ଡାଭିକା ଗୁଚି ଇଭେଣ୍ଟରୁ ବିଭିନ୍ନ ଶୈଳୀରେ ପୋଜ୍ ଦେଇଥିବାର ନଜର ଆସିଛନ୍ତି ।