ହାଇଦ୍ରାବାଦ: ଦର୍ଶକଙ୍କ ହୃଦୟରେ ରାଜ କରୁଥିବା ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଏବେ ହଲିଉଡରେ ନିଜର କମାଲ ଦେଖାଇବାକୁ ପ୍ରସ୍ତୁତ ଅଛନ୍ତି । ଅଭିନେତ୍ରୀଙ୍କ ପୂର୍ବ ଚଳଚ୍ଚିତ୍ର ଗଙ୍ଗୁବାଇ କାଠିଆୱାଡି ବକ୍ସ ଅଫିସରେ ବହୁତ ରୋଜଗାର କରିଥିଲା । ପ୍ରେକ୍ଷାଳୟ ପରେ OTT ରେ ମଧ୍ୟ ଏହି ଚଳଚ୍ଚିତ୍ରକୁ ବହୁତ ପସନ୍ଦ କରାଯାଉଛି। ଏତେ ବଡ ହିଟ୍ ଫିଲ୍ମ ଦେବା ପରେ ବର୍ତ୍ତମାନ ଆଲିଆ ଭଟ୍ଟଙ୍କୁ ଏକ ହଲିଉଡ୍ ପ୍ରୋଜେକ୍ଟ ମିଳିଛି । ଯେଉଁଥିପାଇଁ ଅଭିନେତ୍ରୀ ବିଦେଶ ଯାତ୍ରାରେ ବାହାରି ସାରିଛନ୍ତି । ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଆଲିଆ ଭଟ୍ଟ ନିଜେ ଏହି ବିଷୟରେ ସୂଚନା ଦେଇଛନ୍ତି ।
ହଲିଉଡ ଫିଲ୍ମ 'ହାର୍ଟ ଅଫ୍ ଷ୍ଟୋନ'ର ସୁଟିଂ ପାଇଁ ଆଲିଆ ଭଟ୍ଟ ଯାଇଛନ୍ତି । ସେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ କରିଥିଲେ। ପୋଷ୍ଟରେ ଏହା ଦେଖିବାକୁ ମିଳିଛି ଯେ ଅଭିନେତ୍ରୀ କାରର ପଛ ସିଟରେ ବସିଛନ୍ତି । ସେ ବହୁତ ହାଲୁକା ମେକଅପ୍ ସହିତ ଅତି ସିମ୍ପଲ ଲୁକ୍ ନେଇଛନ୍ତି । ଅଭିନେତ୍ରୀ ଭାରୀ କାନଫୁଲ ଏବଂ ଖୋଲା କେଶ ସହିତ ନିଜର ଲୁକକୁ ପୁରା କରିଛନ୍ତି ।