ହାଇଦ୍ରାବାଦ:ଝିଅ ରାହାଙ୍କ ସହ ବହୁମୂଲ୍ୟ ସମୟ ବିତାଇବା ପରେ ବଲିଉଡର କ୍ୟୁଟ୍ ଦମ୍ପତି ରଣବୀର କପୁର ଏବଂ ଆଲିଆ ଭଟ୍ଟ ଏକ ସ୍ପଟ ଇଭେଣ୍ଟରେ ନଜର ଆସିଛନ୍ତି । ଏହି ସମୟରେ ନୀତା ଅମ୍ବାନୀଙ୍କୁ ମଧ୍ୟ ଦେଖିବାକୁ ମିଳିଛି । ବର୍ତ୍ତମାନ ଇଭେଣ୍ଟରୁ କିଛି ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ଆଲିଆ, ରଣବୀର ଏବଂ ନୀତା ଅମ୍ବାନୀଙ୍କୁ ପାପରାଜିଙ୍କ ସାମ୍ନାରେ ଏକାଠି ପୋଜ ଦେଉଥିବା ନଜର ଆସିଛନ୍ତି ।
ରବିବାର ମୁମ୍ବାଇରେ ଆୟୋଜିତ ଏକ ଇଣ୍ଡିଆନ ସୁପର ଲିଗ ଫୁଟବଲ୍ ମ୍ୟାଚ୍ରେ ଆଲିଆ ଭଟ୍ଟ, ରଣବୀର କପୁର ଏବଂ ନୀତା ଅମ୍ବାନୀ ସାମିଲ ହୋଇଥିଲେ । ଯାହାର ଫଟୋ ଏବଂ ଭିଡିଓ କ୍ୟାମେରା କଏଦ ହୋଇଛି । ଇନ୍ଷ୍ଟାଗ୍ରାମରେ ପାପରାଜିଙ୍କ ଦ୍ବାରା ସେୟାର ହୋଇଥିବା ଭିଡିଓରେ ଆଲିଆ ଏବଂ ରଣବୀର କାରରୁ ବାହାରୁଥିବାର ଦେଖିବାକୁ ମିଳିଛି । ଏହି ସମୟରେ ଏହି ଦମ୍ପତି ମ୍ୟାଚିଂ '8' ଟି-ସାର୍ଟ ପିନ୍ଧିଥିବାର ନଜର ଆସିଛନ୍ତି । ଆଲିଆ ବ୍ଲୁ' ଟି-ସାର୍ଟ ସହ ଡେନିମ୍ ପ୍ୟାଣ୍ଟ ପିନ୍ଧିଥିବା ବେଳେ ରଣବୀର କପୁର ବ୍ଲାକ ଟି-ସାର୍ଟ ଏବଂ ପ୍ୟାଣ୍ଟ, କ୍ୟାପରେ ଦେଖିବାକୁ ମିଳିଛି ।
ମ୍ୟାଚ୍ ଦେଖିବା ପୂର୍ବରୁ ଉଭୟ ପାପରାଜିଙ୍କ ସାମ୍ନାରେ ପୋଜ୍ ଦେଇଥିଲେ । ଏହି ସମୟରେ ନୀତା ଅମ୍ବାନୀ ମଧ୍ୟ ଏହି ଇଭେଣ୍ଟରେ ସାମିଲ ହୋଇ ଆଲିଆ, ରଣବୀରଙ୍କ ସହ ପୋଜ୍ ଦେଇଥିଲେ । ନୀତା ଅମ୍ବାନୀଙ୍କୁ ଏକ ବ୍ଲୁ ଲାଲ ରଙ୍ଗର ଟି-ସାର୍ଟ ସହ ବ୍ଲୁ ପ୍ୟାଣ୍ଟରେ ଦେଖିବାକୁ ମିଳିଛି । ତାଙ୍କ ସହ ଇଣ୍ଟରନ୍ୟାସନାଲ ଅଲମ୍ପିକ କମିଟିର ସଭାପତି ଥୋମସ ବାଖ୍ ମଧ୍ୟ ଯୋଗ ଦେଇଥିଲେ । ଇଭେଣ୍ଟ୍ର ସମସ୍ତ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
ଏହା ମଧ୍ୟ ପଢନ୍ତୁ:ଝିଅ ସହ ଆଉଟିଂରେ ବାହାରିଲେ ଆଲିଆ, ହ୍ବାଇଟ ଡ୍ରେସରେ କ୍ୟୁଟ୍ ଲାଗୁଛନ୍ତି ରାହା
ୱାର୍କପ୍ରଣ୍ଟ କଥା କହିବାକୁ ଗଲେ, ଆଲିଆ ଭଟ୍ଟ ନିକଟରେ ଆଗାମୀ ଫିଲ୍ମ ଜିଗ୍ରାର ସୁଟିଂ ଆରମ୍ଭ କରିଛନ୍ତି । ଅଭିନେତ୍ରୀ ସୁଟିଂ ସେଟ୍ର କିଛି ଫଟୋ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଥିଲେ । ସେପଟେ ରଣବୀର କପୁରଙ୍କ କଥା କହିବାକୁ ଗଲେ, ରଣବୀରଙ୍କୁ ଶେଷ ଥର ପାଇଁ ତୁ ଝୁଟି ମେ ମକ୍କାର ଫିଲ୍ମରେ ଦେଖିବାକୁ ମିଳିଥିଲା । ଏହି ଫିଲ୍ମ ଦର୍ଶକଙ୍କ ମନ ଜିତିବାରେ ସଫଳ ହୋଇଥିଲା । ତେବେ ବର୍ତ୍ତମାନ ରଣବୀରଙ୍କୁ ଆଗାମୀ ଫିଲ୍ମ ଆନିମଲରେ ଦେଖିବାକୁ ମିଳିବ । ଏହି ଫିଲ୍ମରେ ସେ ସାଉଥ୍ ଅଭିନେତ୍ରୀ ରଶ୍ମିକା ମନ୍ଦାନାଙ୍କ ସହ ନଜର ଆସିବେ । ଉଭୟ ପ୍ରଥମ ଥର ପାଇଁ ଏହି ଫିଲ୍ମ ଜରିଆରେ ସ୍କ୍ରିନ ସେୟାର କରିବେ ।
