ମୁମ୍ବାଇ: ବଲିଉଡ ଲୋକପ୍ରିୟ ଅଭିନେତା ଅକ୍ଷୟ କୁମାର, ଯାହାଙ୍କ ଗୋଟିଏ ବର୍ଷରେ ଚାରି-ପାଞ୍ଚଟି ଫିଲ୍ମ ରିଲିଜ ହୋଇଥାଏ । ନିକଟରେ ଅକ୍ଷୟଙ୍କ ଅଭିନୀତ ଆଗାମୀ ଫିଲ୍ମ 'ଓ ମାଇ ଗଡ 2' ର ରିଲିଜ ତାରିଖ ଘୋଷଣା ହୋଇଥିଲା । ଏହି ଫିଲ୍ମ 11 ଅଗଷ୍ଟରେ ସିନେମା ହଲରେ ରିଲିଜ ହେବ । ତେବେ ଏହାରି ମଧ୍ୟରେ ବର୍ତ୍ତମାନ ଅକ୍ଷୟ କୁମାରଙ୍କ ଆଉ ଏକ ଫିଲ୍ମର ରିଲିଜ ତାରିଖ ଘୋଷଣା କରାଯାଇଛି । ଅକ୍ଷୟଙ୍କ ଆଉ ଏକ ଫିଲ୍ମ ହେଉଛି 'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' । ଏହି ଫିଲ୍ମ 2023 ଅକ୍ଟୋବର 5ରେ ସିନେମାହଲରେ ରିଲିଜ ହେବ।
'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' ପୂର୍ବରୁ କ୍ୟାପସୁଲ୍ ଗିଲ୍ ନାମରେ ରିଲିଜ ହେବାର ଥିଲା । ବର୍ତ୍ତମାନ ତାହା 'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' ନାମରେ ରିଲିଜ ହେବ । ଏହି ଫିଲ୍ମ ଘୋଷଣା ହେବା ଦିନ ଠାରୁ ଲୋକମାନେ ଏହି ଫିଲ୍ମକୁ ଅପେକ୍ଷା କରି ରହିଛନ୍ତି, କାରଣ ଏହି ଫିଲ୍ମଟି ଏକ ପ୍ରକୃତ ଘଟଣା ଉପରେ ଆଧାରିତ। ଇନଷ୍ଟାଗ୍ରାମରେ ଟ୍ରଡ ଆନାଲିଷ୍ଟ ତରଣ ଆଦର୍ଶ ଫିଲ୍ମର ରିଲିଜ ତାରିଖ ସେୟାର କରି ଲେଖିଛନ୍ତି, ଟିନୁ ସୁରେଶଙ୍କ ଦ୍ୱାରା ନିର୍ଦ୍ଦେଶିତ ଅକ୍ଷୟ କୁମାରଙ୍କ ଅଭିନୀତ ଫିଲ୍ମ 'The Great Indian Rescue' ରିଲିଜ୍ ତାରିଖ ଲକ୍ ହୋଇଛି । ଅକ୍ଟୋବର 5, 2023ରେ ରିଲିଜ କରିବ ।
'ଓ ମାଇ ଗଡ' ରିଲିଜ୍ ହେବାର ପ୍ରାୟ 2 ମାସ ପରେ ଅକ୍ଷୟଙ୍କ ଫିଲ୍ମ 'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' ସିନେମାହଲରେ ରିଲିଜ ହେବ । ଏହି ଫିଲ୍ମ ଅକ୍ଟୋବର 5, 2023ରେ ବିଶ୍ବର ସିନେମାହଲରେ ରିଲିଜ ହେବ । ଏଥିସହ ଫିଲ୍ମରେ ପୁଣି ଅକ୍ଷୟଙ୍କ ସହ ସ୍କ୍ରିନ ସେୟାର କରିବେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା । ଦ୍ୱିତୀୟ ଥର ହେବ ଅକ୍ଷୟ କୁମାର ଏବଂ ପରିଣୀତି ଚୋପ୍ରା ଏକାଠି ନଜର ଆସିବେ । ଏହା ପୂର୍ବରୁ ଉଭୟ ଫିଲ୍ମ 'କେଶରୀ'ରେ ଏକାଠି ନଜର ଆସିଥିଲେ ।
ଫିଲ୍ମ ବିଷୟରେ କହିବାକୁ ଗଲେ, ଅକ୍ଷୟ କୁମାରଙ୍କ ଏହି ଫିଲ୍ମ 'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' ସ୍ୱର୍ଗତ କୋଇଲା ଖଣି ଇଞ୍ଜିନିୟର ଜଶୱନ୍ତ ସିଂ ଗିଲଙ୍କ ଉପରେ ଆଧାରିତ, ଯିଏ 1989 ପଶ୍ଚିମବଙ୍ଗ ବନ୍ୟା ସମୟରେ 64 ଖଣି ଲୋକଙ୍କ ଜୀବନ ରକ୍ଷା କରିଥିଲେ । ଏହି ଫିଲ୍ମରେ ଅକ୍ଷୟଙ୍କୁ ଜଶୱନ୍ତ ସିଂଙ୍କ ଭୂମିକାରେ ଦେଖିବାକୁ ମିଳିବ । ଏହି ଫିଲ୍ମଟି ଭାସୁ ଭଗ୍ନାନି, ଦୀପଶିଖା ଦେଶମୁଖ, ଜ୍ୟାକି ଭଗ୍ନାନୀ, ଏବଂ ଅଜୟ କପୁରଙ୍କ ଦ୍ୱାରା ନିର୍ମିତ । ନିର୍ଦ୍ଦେଶକ ଟିନୁ ସୁରେଶ ଦେଶାଇ ଫିଲ୍ମର ନିର୍ଦ୍ଦେଶନା ଦେଇଛନ୍ତି ।
ଏଥିସହ ଅକ୍ଷୟଙ୍କୁ ଟାଇଗର ଶ୍ରଫଙ୍କ ସହ ଆକ୍ସନ୍ ଥ୍ରୀଲର ଫିଲ୍ମ 'ବଡେ ମିୟାଁ ଛୋଟେ ମିୟାଁ'ରେ ମଧ୍ୟ ଦେଖିବାକୁ ମିଳିବ । ଇଦ୍ 2024 ଅବସରରେ ଏହି ଫିଲ୍ମ ସିନେମାହଲରେ ରିଲିଜ୍ ହେବ । ଫିଲ୍ମ 'ଓ ମାଇ ଗଡ 2' ରେ ଅକ୍ଷୟଙ୍କ ସହ ଅଭିନେତା ପଙ୍କଜ ତ୍ରିପାଠୀ ଏବଂ ଅଭିନେତ୍ରୀ ୟାମି ଗୌତମଙ୍କ ନଜର ଆସିବେ । ତେବେ ରିଲିଜ ହୋଇଥିବା ଅକ୍ଷୟଙ୍କ ଫିଲ୍ମ 'ସେଲଫି' ବକ୍ସ ଅପିସରେ ଫ୍ଲଫ ହୋଇଥିଲା । ତେବେ ବର୍ତ୍ତମାନ ଦେଖିବାକୁ ପଡିବ ଯେ ଅକ୍ଷୟଙ୍କ ଫିଲ୍ମ ଏବଂ ଆଗାମୀ 'ଓ ମାଇ ଗଡ 2' ଏବଂ 'ଦ ଗ୍ରେଟ୍ ଇଣ୍ଡିଆନ୍ ରେସକ୍ୟୁ' ଦର୍ଶକଙ୍କ ମନ ଜିତିବାରେ କେତେ ସଫଳ ହେଉଛି ।
