ହାଇଦ୍ରାବାଦ:ଅଜୟ ଦେବଗନ୍ ଏବଂ ତବୁ ଯୋଡିଙ୍କ ବେଶ ଲୋକପ୍ରିୟ ଯୋଡି ଅଟେ । ଉଭୟ ତାରକାଙ୍କୁ ଏକାଠି ଅନେକ ଫିଲ୍ମରେ ଦେଖିବାକୁ ମିଳିଛି । ଫ୍ୟାନ୍ସମାନେ ଅଜୟ ଏବଂ ତବୁଙ୍କ ଯୋଡିଙ୍କ ଫିଲ୍ମକୁ ବେଶ ପସନ୍ଦ କରିଥାନ୍ତି । ଏହି ସମୟରେ, ତାଙ୍କ ପ୍ରଶଂସକଙ୍କ ପାଇଁ ବର୍ତ୍ତମାନ ଏକ ଖୁସି ଖବର ଆସିଛି । ଦୁହେଁ ପୁଣି ଥରେ ଏକାଠି ନଜର ଆସିବାକୁ ଯାଉଛନ୍ତି । ନୀରଜ ପାଣ୍ଡେଙ୍କ ଫିଲ୍ମ 'ଓରୋ ମେ କାହାଁ ଦମ ଥା'ରେ ଉଭୟଙ୍କୁ ଦେଖିବାକୁ ମିଳିବ । ବର୍ତ୍ତମାନ ନିର୍ମାତା ଫିଲ୍ମର ରିଲିଜ ତାରିଖ ଘୋଷଣା କରିଛନ୍ତି ।
ନିର୍ମାତା ନୀରଜ ପାଣ୍ଡେ ମଧ୍ୟ ତାଙ୍କ ଇନଷ୍ଟାଗ୍ରାମରେ ଫିଲ୍ମର ରିଲିଜ୍ ତାରିଖ ଘୋଷଣା କରିଛନ୍ତି । ଅଜୟ ଏବଂ ତବୁଙ୍କ ଏହି ଫିଲ୍ମ ଆସନ୍ତା ବର୍ଷ ୨୬ ଏପ୍ରିଲ ୨୦୨୪ରେ ମୁକ୍ତିଲାଭ କରିବ । ଏହାପୂର୍ବରୁ ଅଜୟ ଦେବଗନ ଏହି ଫିଲ୍ମ ଘୋଷଣା କରିଥିଲେ । ଡିସେମ୍ବର ୫ ରେ ଏକ୍ସ (ଟ୍ୱିଟର) ରେ ପୋଷ୍ଟ କରି ସେ ଲେଖିଥିଲେ- ମୁଁ ନୀରଜ ପାଣ୍ଡେଙ୍କ ସହ ମୋର ସହଯୋଗ ଘୋଷଣା କରୁଛି । ଏହା ଶୁଣି ଅଭିନେତାଙ୍କ ପ୍ରଶଂସକମାନେ ବେଶ ଉତ୍ସାହିତ ହୋଇଥିଲେ ।
ରୋମାଣ୍ଟିକ୍ ଡ୍ରାମାରେ ବ୍ଲକବଷ୍ଟର ଯୋଡି ଅଜୟ ଦେବଗନ୍ ଏବଂ ତବୁଙ୍କୁ ଦେଖିବାକୁ ମିଳିବ । ଏଥିସହ ଏହି ଚଳଚ୍ଚିତ୍ରରେ ଜିମି ଶେର୍ଗିଲ, ସାଇ ମଞ୍ଜରେକର ଏବଂ ଶାନ୍ତନୁ ମହେଶ୍ୱରୀଙ୍କ ଭଳି ଅଭିନେତାଙ୍କର ଏକ ପ୍ରମୁଖ ଅଭିନୟ ରହିଛି । 20 ବର୍ଷର ରୋମାଣ୍ଟିକ୍ ଡ୍ରାମାର ଏକ ନିଆରା ସଂଗୀତ ପ୍ରେମ କାହାଣୀକୁ ନେଇ ଏହା ନିର୍ମିତ ହୋଇଥିବା ଜଣାପଡିଛି । ତେବେଏହି ଚଳଚ୍ଚିତ୍ରର ମୂଳ ସାଉଣ୍ଡଟ୍ରାକ୍ ସଂଗୀତ ନିର୍ଦ୍ଦେଶକ ଏମ.ଏମ କିରାଭାନୀ ରଚନା କରିଥିବା ବେଳେ ଏକାଧିକ ଭାଷାରେ ଏହି ଫିଲ୍ମ ରିଲିଜ୍ ହେବ।
ଏହା ମଧ୍ୟ ପଢନ୍ତୁ:'ସିଙ୍ଘମ ଏଗେନ' ସୁଟିଂ ସେଟରେ ଆହତ ହେଲେ ଅଜୟ ଦେବଗନ
ଅଜୟ ଏବଂ ତବୁ ବିଜୟପଥ, ହକିକତ, ଥକଶକ୍, ଫିତୁର, ଦୃଶ୍ୟମ, ଗୋଲମାଲ୍ ଏଗେନ, ଦେ ଦେ ପ୍ୟାର୍ ଦେ, ଦୃଶ୍ୟମ ୨, ଏବଂ ଭୋଲା ଭଳି ଚଳଚ୍ଚିତ୍ରରେ ସ୍କ୍ରିନ୍ ସେୟାର କରିଛନ୍ତି । ଏହା ବ୍ୟତୀତ ଅଜୟ ନିର୍ମାତା ବନି କପୁରଙ୍କ ପିରିୟଡ ଫିଲ୍ମ ମୈଦାନରେ, ଆର ମାଧବନଙ୍କ ସହ ଏକ ଆଖ୍ୟାବିହୀନ ଅଲୌକିକ ଥ୍ରୀଲର ଫିଲ୍ମରେ ଏବଂ ରୋହିତ ଶେଟ୍ଟୀଙ୍କ ଆକ୍ସନ୍ ଥ୍ରୀଲର ଫିଲ୍ମ ସିଙ୍ଘମ ଏଗେନରେ ମଧ୍ୟ ନଜର ଆସିବେ । ଅନ୍ୟପକ୍ଷରେ ତବୁଙ୍କୁ କରୀନା କପୁର ଖାନ ଏବଂ କ୍ରିତି ସାନନଙ୍କ ସହ 'ଦ କ୍ରୁ'ରେ ମଧ୍ୟ ଦେଖିବାକୁ ମିଳିବ ।
