ନୂଆଦିଲ୍ଲୀ:ହିନ୍ଦୀ ଭାଷାକୁ ନେଇ ଟ୍ୱିଟରରେ ନୂଆ ବିବାଦ । ଏହି ବିବାଦ ସାଉଥ ଇଣ୍ଡଷ୍ଟ୍ରିର ହିଟ୍ ଭିଲେନ୍ କିଚ୍ଚା ସୁଦୀପଙ୍କ ଟ୍ୱିଟରୁ ଆରମ୍ଭ ହୋଇଛି। ଗୋଟିଏ ପଟେ ସାଉଥ ସିନେମାର ପ୍ରାଧାନ୍ୟ ବଢ଼ୁଥିବା ବେଳେ ଅନ୍ୟପଟେ ଭାଷାକୁ ନେଇ ଦେଖାଦେଇଛି ଏହି ବିବାଦ । ଭାଇରାଲ ହେଉଥିବା ଏକ ଭିଡିଓରେ କିଚ୍ଚା ସୁଦୀପ କହିଛନ୍ତି ଯେ, ହିନ୍ଦୀ ଭାଷା ଆମର ରାଷ୍ଟ୍ରଭାଷା ନୁହେଁ । ବର୍ତ୍ତମାନ ତାଙ୍କର ଏହି ବିବାଦୀୟ ବୟାନ ଅନେକଙ୍କ ଦୃଷ୍ଟି ଆକର୍ଷଣ କରିବା ସହିତ ତୀବ୍ର ସମାଲୋନା କରାଯାଉଛି । ନେଟିଜେନ୍ସମାନେ ସୁଦୀପଙ୍କ ଭର୍ତ୍ସନା କରୁଛନ୍ତି। ଏବେ ଅଭିନେତାଙ୍କୁ କଡା ଜବାବ୍ ଦେଇଛନ୍ତି ବଲିଉଡ ଅଭିନେତା ଅଜୟ ଦେବଗନ୍।
ଟ୍ବିଟ କରି ଅଜୟ ଦେବଗନ କହିଛନ୍ତି ଯେ, 'କିଚ୍ଚା ସୁଦୀପ, ମୋ ଭାଇ, ତୁମ କହିବା ଅନୁଯାୟୀ ଯଦି ହିନ୍ଦୀ ଆମର ରାଷ୍ଟ୍ରଭାଷା ନୁହେଁ ତେବେ ତୁମେ ତୁମର ମାତୃଭାଷାରେ ସୁଟ୍ କରାଯାଇଥିବା ଫିଲ୍ମକୁ ହିନ୍ଦୀରେ ଡବ କରି କାହିଁକି ରିଲିଜ୍ କରୁଛ ? ହିନ୍ଦୀ ଆମର ମାତୃଭାଷା ଏବଂ ରାଷ୍ଟ୍ରଭାଷା ଥିଲା, ଅଛି ଏବଂ ସବୁବେଳେ ରହିବ। ଜନ ଗଣ ମନ।'
ହିନ୍ଦୀକୁ ଭାଷାକୁ ନେଇ କ'ଣ କହିଲେ ସୁଦୀପ ?
ଅଜୟ ଦେବଗନଙ୍କ ଟ୍ବିଟର ଜବାବ ଦେବାକୁ ଯାଇ କିଚ୍ଚା ସୁଦୀପ କହିଛନ୍ତି ଯେ, ହ୍ୟାଲୋ ଅଜୟ ଦେବଗନ ସାର୍, ଯେଉଁଭଳି ଭାବେ ଏହି କଥାଟି ଆପଣଙ୍କ ପାଖକୁ ପହଞ୍ଚିଛି, ତାହା ମୁଁ ଦେଇଥିବା ମନ୍ତବ୍ୟ ଠାରୁ ସମ୍ପୂର୍ଣ୍ଣ ଭିନ୍ନ। ଯେହେତୁ ମୁଁ ଆପଣଙ୍କୁ ବ୍ୟକ୍ତିଗତ ଭାବେ ଜାଣିଛି ତେଣୁ କାହିଁକି ଏପରି ପ୍ରତିକ୍ରିୟା ଦିଆଯାଇଥିଲା ତା ଉପରେ ଅଧିକ ଧ୍ୟାନ ଦେବା ଉଚିତ୍। ମୁଁ ଆପଣଙ୍କୁ ଦେଖା କରି ଏହି ବିଷୟରେ କହିବି । ମୁଁ କାହାକୁ ଆଘାତ ଦେବାକୁ କିମ୍ବା ଉସ୍କାଇବାକୁ କିମ୍ବା କୌଣସି ତର୍କ ଆରମ୍ଭ କରିବାକୁ ମନ୍ତବ୍ୟ ଦେଇ ନଥିଲି। ମୁଁ କାହିଁକି ଏଭଳି କହିବି ସାର୍ ?