ହାଇଦ୍ରାବାଦ: ବଲିଉଡ ଅଭିନେତ୍ରୀ କଙ୍ଗନା ରଣାୱତ ଚଳଚ୍ଚିତ୍ର 'ଧାକଡ' ପାଇଁ ଆଜିକାଲି ଚର୍ଚ୍ଚାରେ ଅଛନ୍ତି । ତାଙ୍କ ଚଳଚ୍ଚିତ୍ର ଚଳିତ ଶୁକ୍ରବାର ପ୍ରେକ୍ଷାଳୟରେ ମୁକ୍ତିଲାଭ କରିଛି । ଚଳଚ୍ଚିତ୍ର ରିଲିଜ ହେବା ପୂର୍ବରୁ କଙ୍ଗନା ରଣାୱତ ନିଜକୁ ଏକ ଖାସ ଉପହାର ଦେଇଛନ୍ତି । ସେ ଏକ ନୂଆ କାର କିଣିଛନ୍ତି, ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । କଙ୍ଗନା ଏକ ନୂତନ ମର୍ସିଡିଜ୍ କାର୍ କିଣିଛନ୍ତି । ଏହି ଭିଡିଓରେ ନୂଆ କାର ସହିତ ତାଙ୍କୁ ପରିବାର ସହ ଦେଖିବାକୁ ମିଳିଥିଲା ।
ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ କଙ୍ଗନା ରଣାୱତଙ୍କର ଅନେକ ଭିଡିଓ ସେୟାର କରାଯାଇଛି । ଏହି ଭିଡିଓରେ ଅଭିନେତ୍ରୀ ତାଙ୍କ ମାଆ ଏବଂ ପରିବାରର ଅନ୍ୟ ସଦସ୍ୟମାନଙ୍କ ସହିତ ନଜର ଆସିଛନ୍ତି । ଭିଡିଓରେ କଙ୍ଗନା ଏକ କଳା ପୋଷାକରେ ନଜର ଆସିଛନ୍ତି । ପ୍ରଥମ ଭିଡିଓରେ, କଙ୍ଗନା ତାଙ୍କ ମର୍ସିଡିଜ୍ କାର୍ ପାଖରେ ଠିଆ ହୋଇଥିବା ନଜର ଆସିଛନ୍ତି । ଦ୍ୱିତୀୟ ଭିଡିଓରେ କଙ୍ଗନାଙ୍କ ମାଆ ନୂଆ କାରକୁ ପୂଜା କରୁଥିବା ଦେଖିବାକୁ ମିଳିଛି ।