ହାଇଦ୍ରାବାଦ: ବଲିଉଡର ପ୍ରସିଦ୍ଧ ଗାୟକ ଉଦିତ ନାରାୟଣଙ୍କ ପୁଅ ଅଭିନେତା ଆଦିତ୍ୟ ନାରାୟଣ ଇଣ୍ଡଷ୍ଟ୍ରିରଏକ ଜଣାଶୁଣା ନାମ । ଛୋଟ ପରଦାରୁ ନେଇ ବଡ ପରଦା ପର୍ଯ୍ୟନ୍ତ ଆଦିତ୍ୟ ତାଙ୍କ ଦକ୍ଷତାର ଯାଦୁ ଦେଖାଇଛନ୍ତି । ଶିଶୁ କଳାକାର ଭାବରେ ଚଳଚ୍ଚିତ୍ରରେ ଅଭିନୟ କରିଥିବା ଆଦିତ୍ୟ ନାରାୟଣ ଆଜି 35 ବର୍ଷରେ ପାଦ ଥାପିଛନ୍ତି । 1987 ମସିହା ଅଗଷ୍ଟ 6 ତାରିଖରେ ମୁମ୍ବାଇରେ ଜନ୍ମଗ୍ରହଣ କରିଥିବା ଆଦିତ୍ୟ ଆଜି ପପୁଲାର ହୋଷ୍ଟ ଭାବେ ବେଶ ଜଣାଶୁଣା । ଅଭିନେତାଙ୍କ ଜନ୍ମଦିନ ଅବସରରେ, ଆସନ୍ତୁ ଜାଣିବା ତାଙ୍କ ଜୀବନ ସହିତ ଜଡିତ କିଛି ମଜାଦାର କଥା ।
4 ବର୍ଷରୁ ଗାଇଥିଲେ ଗୀତ
ଆଦିତ୍ୟ ନାରାୟଣ ଶିଶୁ କଳାକାର ଭାବରେ ଗୀତ ଗାଇବା ଆରମ୍ଭ କରିଥିଲେ, ଯାହା ଦର୍ଶକଙ୍କ ଦ୍ୱାରା ପସନ୍ଦ ଆସିଥିଲା । 1992ରେ ଏକ ନେପାଳୀ ଚଳଚ୍ଚିତ୍ର ମୋହିନୀ ପାଇଁ ଆଦିତ୍ୟ ପ୍ରଥମ ଗୀତ ଗାଇଥିଲେ ଏବଂ ପରେ ଆଶା ଭୋସଲେଙ୍କ ସହ ରଙ୍ଗିଲା ଚଳଚ୍ଚିତ୍ରରେ ସ୍ୱର ଦେଇଥିଲେ। 1995 ରେ, ସେ ପିତା ଉଦିତ ନାରାୟଣଙ୍କ ସହ 'ଅକେଲେ ହମ୍ ଅକେଲେ ତୁମ୍' ଗାଇଥିଲେ ଏବଂ ଆଜି ମଧ୍ୟ ଲୋକମାନେ ଏହି ଗୀତ ଶୁଣିବାକୁ ପସନ୍ଦ କରନ୍ତି ।
100ରୁ ଅଧିକ ଗୀତରେ କରିଛନ୍ତି କଣ୍ଠଦାନ
ଶିଶୁ କଳାକାର ଭାବରେ ଆଦିତ୍ୟ ନାରାୟଣ 100 ରୁ ଅଧିକ ଗୀତରେ ସ୍ୱର ଦେଇଛନ୍ତି । କେବଳ ଏତିକି ନୁହେଁ ତାଙ୍କ ନାମରେ ଏକ ଆଲବମ୍ ମଧ୍ୟ ରିଲିଜ୍ ହୋଇଥିଲା । ଆଦିତ୍ୟଙ୍କ ସ୍ୱରରେ ତାଙ୍କର ପ୍ରସିଦ୍ଧ ଗୀତ ହେଉଛି, 1996 ଚଳଚ୍ଚିତ୍ର ମାସୁମ୍ର ଗୀତ ଛୋଟା ବଚ୍ଚା ଜାନ କେ...ଏହା ଆଜି ବି ବହୁତ ଲୋକପ୍ରିୟ ଅଟେ । ଏହି ଗୀତ ପାଇଁ ଅଭିନେତା ଶ୍ରେଷ୍ଠ ଶିଶୁ ଗାୟକ ପାଇଁ ସମାଲୋଚକ ପୁରସ୍କାର ଗ୍ରହଣ କରିଥିଲେ । ଏହା ବ୍ୟତୀତ ଆଦିତ୍ୟ ନାରାୟଣ 16ଟି ଭାଷାରେ ଗୀତ ଗାଇଛନ୍ତି ।
ଫିଲ୍ମ କ୍ୟାରିୟର
ଚଳଚ୍ଚିତ୍ର ବିଷୟରେ କଥାବାର୍ତ୍ତା କରିବା ତ, ଆଦିତ୍ୟ ନାରାୟଣ ଶିଶୁ କଳାକାର ଭାବରେ ତାଙ୍କର ଅଭିନୟ ଜୀବନ ଆରମ୍ଭ କରିଥିଲେ । କୁହାଯାଏ ଯେ 1995 ମସିହାରେ ସୁଭାଷ ଭୋଇ ଆଦିତ୍ୟଙ୍କୁ ଲିଟିଲ ୱଣ୍ଡର୍ସ ଗ୍ରୁପରେ ଅଭିନୟ କରୁଥିବା ଦେଖିଥିଲେ । ଏହା ପରେ ନିର୍ଦ୍ଦେଶକ ତାଙ୍କୁ ତାଙ୍କ ଫିଲ୍ମ 'ପରଦେସ୍' ପାଇଁ ସାଇନ୍ କରିଥିଲେ, ଯେଉଁଥିରେ ଅଭିନେତା ଶାହାରୁଖ ଖାନ ଏବଂ ମହିମା ଚୌଧୁରୀ ମୁଖ୍ୟ କଳାକାର ଭାବରେ ନଜର ଆସିଥିଲେ। ଏହା ପରେ ସେ ଫିଲ୍ମ 'ଜବ୍ ପ୍ୟାର କିସି ସେ ହୋଟା ହୈ' ରେ ମଧ୍ୟ ଅଭିନୟ କରିଥିଲେ। ଅବଶ୍ୟ, ସେ 2009 ଚଳଚ୍ଚିତ୍ର ଶାପିତ୍ରେ ଜଣେ ମୁଖ୍ୟ କଳାକାର ଭାବରେ ଡେବ୍ୟୁ କରିଥିଲେ । ବିକ୍ରମ ଭଟ୍ଟଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ର ପାଇଁ ଆଦିତ୍ୟ କେବଳ 4ଟି ଗୀତ ଗାଇ ନାହାଁନ୍ତି, ବରଂ ସେ ନିଜେ ଏହାକୁ ଲେଖିଛନ୍ତି ।
ଯଦିଓ ଆଦିତ୍ୟ ଗୀତ ଏବଂ ଅଭିନୟରେ କିଛି ଖାସ୍ କମାଲ୍ କରିପାରିନାହାନ୍ତି, କିନ୍ତୁ ସେ ଛୋଟ ପରଦାରେ ହୋଷ୍ଟ ଭାବରେ ଅନେକ ନାମ ଅର୍ଜନ କରିଛନ୍ତି । ଅନେକ ରିଆଲିଟି ସୋ’ରେ ଆଦିତ୍ୟ ନାରାୟଣ ହୋଷ୍ଟ ଭାବରେ ନଜର ଆସିଛନ୍ତି। ଏହା ବ୍ୟତୀତ ସେ ଷ୍ଟଣ୍ଟ ରିଆଲିଟି ସୋ ଖତରୋଁ କେ ଖିଲାଡିର ସିଜିନ୍ 9 ରେ ପ୍ରତିଯୋଗୀ ଭାବରେ ମଧ୍ୟ ନଜର ଆସିଥିଲେ । ବ୍ୟକ୍ତିଗତ ଜୀବନ ବିଷୟରେ କଥାବାର୍ତ୍ତା କରିବା ତ, ଅଭିନେତା ତାଙ୍କର 11 ବର୍ଷର ରିଲେସନ୍ସିପ୍ ପରେ 2020 ମସିହାରେ ତାଙ୍କ ଗର୍ଲଫ୍ରେଣ୍ଡ ଶ୍ୱେତା ଅଗ୍ରୱାଲଙ୍କୁ ବିବାହ କରିଥିଲେ । ବିବାହର ଦୁଇ ବର୍ଷ ପରେ, ଶ୍ୱେତା ଅଗ୍ରୱାଲ ତାଙ୍କର ପ୍ରଥମ ସନ୍ତାନକୁ ଜନ୍ମ ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
