ମୁମ୍ବାଇ: ସାଉଥ୍ ସୁପରଷ୍ଟାର ପ୍ରଭାସ ଏବଂ ବଲିଉଡ ଲୋକପ୍ରିୟ ଅଭିନେତ୍ରୀ କ୍ରିତି ସାନନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଆଦିପୁରୁଷ ଜୁନ 16ରେ ରିଲିଜ ହେବାକୁ ଯାଉଛି । ଆଦିପୁରୁଷର ରିଲିଜକୁ ନେଇ ପ୍ରଶଂସକଙ୍କ ମଧ୍ୟରେ ଏକ ଭିନ୍ନ କ୍ରେଜ୍ ଦେଖିବାକୁ ମିଳିଛି । ନିକଟରେ ତିରୁପତିରେ ଫିଲ୍ମର ପ୍ରି-ରିଲିଜ୍ ଇଭେଣ୍ଟରେ ଅନ୍ତିମ ଟ୍ରେଲର ଲଞ୍ଚ କରି ଫ୍ୟାନ୍ସକୁ ଉପହାର ଦେଇଥିବା ବେଳେ ଏବେ ଫିଲ୍ମକୁ ନେଇ ଆଉ ଏକ ବଡ ଘୋଷଣା କରାଯାଇଛି । ଫିଲ୍ମ 'ଦ କାଶ୍ମୀର ଫାଇଲ୍ସ' ପ୍ରଡ୍ୟୁସର ଅଭିଷେକ ଅଗ୍ରୱାଲ ଫିଲ୍ମକୁ ସମର୍ଥନ କରିଛନ୍ତି । ସେ 10 ହଜାର ମାଗଣାରେ ଟିକେଟ ବାଣ୍ଟିବାକୁ ଘୋଷଣା କରିଛନ୍ତି।
'କାଶ୍ମୀର ଫାଇଲ୍ସ' ଏବଂ କାର୍ତ୍ତିକେୟ-୨’ର ନିର୍ମାତା ଅଭିଷେକ ଅଗ୍ରୱାଲ ଆଦିପୁରୁଷକୁ ସମର୍ଥନ କରିଛନ୍ତି । 10 ହଜାର ମାଗଣାରେ ଟିକେଟ ବାଣ୍ଟିବାକୁ ଘୋଷଣା କରିଛନ୍ତି । ସେ ଟ୍ବିଟରେ ଏକ ପୋଷ୍ଟ ସେୟାର କରି ଏହା କହିଛନ୍ତି । ସେ କହିଛନ୍ତି, "ପୁରା ତେଲେଙ୍ଗାନାରେ ଆଦିପୁରୁଷ ଫିଲ୍ମର 10 ହଜାର ମାଗଣା ଟିକେଟ୍ ବଣ୍ଟନ କରିବି । ଏହି ଟିକେଟ୍ ତେଲେଙ୍ଗାନାର ସରକାରୀ ବିଦ୍ୟାଳୟ, ଅନାଥ ଆଶ୍ରମ ଏବଂ ବୃଦ୍ଧାଶ୍ରମରେ ବଣ୍ଟନ କରାଯିବ ।" ଏଥିପାଇଁ https://bit.ly/CelebratingAdipurush ଲିଙ୍କ୍ ସେୟାର କରିଛନ୍ତି । ଗୁଗୁଲରେ ଏହି ଲିଙ୍କ୍କୁ ଯାଇ ଟିକେଟ୍ ମାଗଣାରେ ପାଇ ପାରିବେ ଫିଲ୍ମ ଦେଖିବାକୁ ଇଚ୍ଛୁକ ବ୍ୟକ୍ତି ।