ମୁମ୍ବାଇ: ଟିଭି ଧାରାବାହିକ 'ଦିୟା ଔର ବାତି ହମ୍' ଫେମ୍ ଅଭିନେତ୍ରୀ କନିଷ୍କା ସୋନି (Kanishka Soni Marries Herself) 'ନିଜକୁ ନିଜେ ବିବାହ' କରି ନିକଟରେ ଚର୍ଚ୍ଚାରେ ଥିଲେ । କନିଷ୍କା ସୋନି ତାଙ୍କ ସୋସିଆଲ ମିଡିଆରେ ସିନ୍ଦୁର ଲଗାଇ ମଙ୍ଗଳସୁତ୍ର ପିନ୍ଧି ଏକ ଫଟୋ ସେୟାର କରି କହିଥିଲେ କି ସେ ନିଜକୁ ନିଜେ ବିବାହ କରିଛନ୍ତି । ତାଙ୍କ ପ୍ରଶଂସକମାନେ ମଧ୍ୟ ଅଭିନେତ୍ରୀଙ୍କ ପୋଷ୍ଟ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । କିନ୍ତୁ, ଆହୁରି ଆଶ୍ଚର୍ଯ୍ୟଜନକ ବିଷୟ ହେଉଛି ଯେ ଅଭିନେତ୍ରୀ ନିଜକୁ ବିବାହ କରିବାର ଦୁଇ ମାସ ପରେ ଗର୍ଭବତୀ ଥିବା ଚର୍ଚ୍ଚା ହେଉଥିଲ । ଏନେଇ ସେ ଇନ୍ଷ୍ଟାଗ୍ରାମରେ ପୋଷ୍ଟ କରିଛନ୍ତି ।
ଅଭିନେତ୍ରୀ କହିଲେ ସତ କ'ଣ
କନିଷ୍କା ତାଙ୍କର ଏକ ଫଟୋ ସେୟାର କରି ଲେଖିଛନ୍ତି, 'ମୁଁ ସେଲ୍ଫ ମ୍ୟାରେଡ ଭଳି ସେଲ୍ଫ ପ୍ରେଗନେଣ୍ଟ ନୁହେଁ । ଏହା କେବଳ ଆମେରିକାର ଶାନଦାର ପିଜା, ବରଗର୍, ଯେୁଁ କାରଣରୁ ମୋର ଓଜନ ଓଜନ ବଢିଯାଇଛି, କିନ୍ତୁ ମୋର ଏଥିରେ କୌଣସି ଅସୁବିଧା ନାହିଁ । ମୁଁ ଏଠାରେ ଏନ୍ଜୟ କରୁଛି ।
ଉଲ୍ଲେଖନୀୟ ଯେ 'ଦିୟା ଔର ବାତି ହମ୍' ଫେମ୍ ଅଭିନେତ୍ରୀ କନିଷ୍କା ସୋନି ଦୁଇମାସ ପୂର୍ବରୁ ନିଜକୁ ନିଜେ ବିବାହ କରିଥିଲେ। ସେ ନିଜେ ଏହି ଘୋଷଣା କରିବାବେଳେ ନିଜର ଫଟୋ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଥିଲେ । ଏହି ଫଟୋଗୁଡ଼ିକରେ ସେ ବେକରେ ମଙ୍ଗଳସୁତ୍ର ଏବଂ ମଥାରେ ସିନ୍ଦୁର ପିନ୍ଧିଥିବାର ନଜର ଆସିଥିଲେ । ତେବେ ଏମିତି କରିବାରେ କନିଷ୍କା ସୋନି ହେଉଛନ୍ତି ଭାରତର ଦ୍ୱିତୀୟ ମହିଳା। ନିକଟରେ ଗୁଜୁରାଟର ଝିଅ କ୍ଷମା ବିନ୍ଦୁ ବିନା ବରରେ ନିଜକୁ ନିଜେ ବିବାହ କରିଥିଲେ । ବରୋଦାରେ ନିଜ ଘରେ ପାରମ୍ପରିକ ରୀତିନୀତି ସହ ବିବାହ କରିଥିଲେ କ୍ଷମା।