ଫ୍ୟାନ୍ସଙ୍କୁ ଚାପୁଡା ମାରିଲେ ନାନା ପାଟେକର, ଭିଡ଼ିଓ ଭାଇରାଲ ବାରାଣସୀ: ବିବାଦ କାରଣରୁ ଚଳଚ୍ଚିତ୍ର ଅଭିନେତା ନାନା ପାଟେକର ପ୍ରାୟତଃ ଶିରୋନାମାରେ ରହିଥା’ନ୍ତି । ବର୍ତ୍ତମାନ ସେ ପୁଣି ଚର୍ଚ୍ଚାରେ ରହିଛନ୍ତି । ନାନା ପାଟେକରଙ୍କ ଏକ ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ଯେଉଁଥିରେ ସେ ଫ୍ୟାନ୍ସଙ୍କୁ ଚାପୁଡା ମାରିଥିବାର ନଜର ଆସିଛନ୍ତି । ଫ୍ୟାନ୍ସ ଜଣଙ୍କ ସେଲ୍ଫି ନେବାକୁ ଚେଷ୍ଟା କରୁଥିବା ବେଳେ ଅଭିନେତା ତାଙ୍କୁ ମାଡ ମାରିଥିବା ଦେଖିବାକୁ ମିଳିଛି । କେବଳ ଏତିକି ନୁହେଁ, ତାଙ୍କ ସହ ଠିଆ ହୋଇଥିବା କ୍ରୁ ସଦସ୍ୟ ଯୁବକଙ୍କ ବେକକୁ ଧରି ସେଠାରୁ ବାହାରକୁ ଠେଲି ଦେଇଥିଲେ । ତେବେ ଭିଡିଓ ଭାଇରାଲ ପରେ ଅଭିନେତାଙ୍କ ଏପରି ଦୁର୍ବବ୍ୟବହାରକୁ ସବୁ ମହଲରୁ ନିନ୍ଦା କରାଯାଉଛି ।
ସୂଚନା ଅନୁସାରେ, ନାନା ପାଟେକର ବାରାଣାସୀରେ ତାଙ୍କ ଆଗାମୀ ଫିଲ୍ମର ସୁଟିଂ କରୁଛନ୍ତି । ଏହି ସମୟରେ ସେ ଫିଲ୍ମର ଏକ ଗୀତ ସୁଟିଂ କରୁଥିବା ବେଳେ ଫ୍ୟାନ୍ସ ଜଣଙ୍କ ତାଙ୍କୁ ଦେଖି ସେଲ୍ଫି ନେବାକୁ ପହଞ୍ଚିଥିଲେ । ଏତିକି ବେଳେ ଅଭିନେତା ଫ୍ୟାନ୍ସଙ୍କ ମୁଣ୍ଡକୁ ଚାପୁଡା ମାରିଛନ୍ତି । ଏହା ପରେ ସଙ୍ଗେସଙ୍ଗେ ତାଙ୍କ ସହ ଠିଆ ହୋଇଥିବା ଜଣେ କ୍ରୁ ଆସି ତାଙ୍କୁ ବାହାରକୁ ଠେଲି ଦେଇଥିଲେ । ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓ ଭାଇରାଲ ପରେ ନାନା ପାଟେକରଙ୍କ ଏଭଳି ଆଚରଣକୁ ନେଇ ଫ୍ୟାନ୍ସ ତାତିବା ସହ ତୀବ୍ର ନିନ୍ଦା କରିଛନ୍ତି ।
ସୂଚନା ଥାଉ କି, ନାନା ପାଟେକର ବାରାଣାସୀରେ ତାଙ୍କର ଆଗାମୀ ଫିଲ୍ମ 'ଜର୍ଣ୍ଣି' (Journey)ର ସୁଟିଂ ଆରମ୍ଭ କରିଛନ୍ତି । ଏହି ଚଳଚ୍ଚିତ୍ରର ସୁଟିଂ ବାରାଣାସୀରୁ ଆରମ୍ଭ ହୋଇଛି । ପ୍ରଥମେ ଆସୀ ଘାଟରେ ସୁଟିଂ ଆରମ୍ଭ ହୋଇଥିଲା । ଚଳଚ୍ଚିତ୍ରର ଏକ ଭକ୍ତି ଗୀତ ଏଠାରେ ସୁଟିଂ କରାଯାଉଛି । ଏହି ସମୟ ମଧ୍ୟରେ ଦଶାଶ୍ୱାମେଧ ଛକରେ କିଛି ଦୃଶ୍ୟ ସୁଟିଂ କରାଯାଉଥିଲା । ଏହି ସମୟରେ ଅଭିନେତା ନାନା ପାଟେକରଙ୍କ ସହ ଫିଲ୍ମର ସମସ୍ତ କର୍ମଚାରୀ ସେଠାରେ ଉପସ୍ଥିତ ଥିଲେ । ଏହି ସମୟରେ ଘଟଣାଟି ଘଟିଥିଲା ।
ଏହା ମଧ୍ୟ ପଢନ୍ତୁ:ଫିଲ୍ମରେ କାହିଁକି ଅଭିନୟ ସୁଯୋଗ ପାଇଲେନି, ମୁହଁ ଖୋଲିଲେ ନାନା ପାଟେକର
ତେବେ କୁହାଯାଉଛି ଯେ ଏହି ଘଟଣା ପରେ ଦଶାଶ୍ୱାମେଦ ଛକ ନିକଟରେ ପ୍ରାୟ ଏକ ଘଣ୍ଟା ଧରି ସୁଟିଂ କରାଯାଇଥିଲା । ଏହା ସହିତ ସସି ଘାଟ, ତୁଲସୀ ଘାଟ, ଦଶାଶ୍ୱାମେଧ ଘାଟରେ ମଧ୍ୟ କିଛି ସିନ୍ ସୁଟିଂ କରାଯାଇଛି । ସୂଚନା ଅନୁଯାୟୀ, ବାରାଣାସୀରେ ଦେବ ଦିୱାଲୀ ପର୍ଯ୍ୟନ୍ତ ଏହି ଚଳଚ୍ଚିତ୍ରର ସୁଟିଂ ଜାରି ରହିବ । ଫିଲ୍ମ 'ଜର୍ଣ୍ଣି'ର କିଛି ସିନ୍ କେବଳ ବାରାଣାସୀରେ ସୁଟିଂ କରାଯିବ । ଏହା ସହିତ ଅନେକ ଘାଟରେ ସୁଟିଂ କରାଯିବ, ଯେଉଁଥିରେ ସଂସ୍କୃତି ପ୍ରଦର୍ଶିତ ହେବ । ଏହି ଫିଲ୍ମରେ ଅନୀଲ ଶର୍ମାଙ୍କ ପୁଅ ଉତ୍କଳ ଶର୍ମା ମଧ୍ୟ ନାନା ପାଟେକରଙ୍କ ସହ କାମ ନଜର ଆସିବେ ।
