ହାଇଦ୍ରାବାଦ:ନିଜ ଦମଦାର ଅଭିନୟ ଏବଂ ଅନ୍ଦାଜ ପାଇଁ ବଲିଉଡ ମେଗାଷ୍ଟାର ଅମିତାଭ ବଚ୍ଚନ ଲୋକଙ୍କ ହୃଦୟରେ ରାଜ କରୁଛନ୍ତି । ସେ 80 ଦଶକରୁ ଲୋକଙ୍କ ମନ ଜିତିଆସୁଥିବା ବେଳେ ବୟସର ଅପରାହ୍ନ ପରେ ବି ସେ ଫ୍ୟାନ୍ସଙ୍କ ପ୍ରିୟ ହୋଇ ପାରିଛନ୍ତି । ପରିଣତ ବୟସରେ ବି ଦମଦାର ଅଭିନୟ ଏବଂ ନିଜ ଷ୍ଟାଇଲରେ ଲୋକଙ୍କୁ ଆକୃଷ୍ଟ କରୁଛନ୍ତି ବିଗ ବି । କେବଳ ଯେ ଫିଲ୍ମ ମାଧ୍ୟମରେ ନୁହେଁ ଅମିତାଭ ସୋସିଆଲ ମିଡିଆରେ ନିଜ ପୋଷ୍ଟ ମାଧ୍ୟମରେ ବି ଫ୍ୟାନ୍ସଙ୍କୁ ମନୋରଞ୍ଜନ କରିଥାନ୍ତି । ବର୍ତ୍ତମାନ ବିଗ ବି ଏକ ନୂଆ ଭିଡିଓ ପୋଷ୍ଟ ସେୟାର କରିଛନ୍ତି । ଯେଉଁଥିରେ ଅମିତାଭ ଏକ କବିତା କହୁଥିବାର ନଜର ଆସିଛନ୍ତି । ଏହି କବିତାରେ ଜଣେ ନୃତ୍ୟ କଳାକାର ନିଜ ନୃତ୍ୟଶୈଳୀରେ ପରିବେଷଣ କରୁଥିବା ଦେଖିବାକୁ ମିଳିଛି । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ଅମିତାଭ ବଚ୍ଚନ ନିଜ ଟ୍ବିଟରରେ ଏକ ଭିଡିଓ ସେୟାର କରିଛନ୍ତି । ଏଥିରେ ବିଗ ବି ଏକ ପ୍ରେରଣାଦାୟକ କବିତା କହୁଥିବା ଦେଖିବାକୁ ମିଳିଛି । ଏହି କବିତାରେ ଜଣେ ନୃତ୍ୟ କଳାକାର ନିଜ ନୃତ୍ୟଶୈଳୀରେ ପରିବେଷଣ କରୁଥିବା ଦେଖିବାକୁ ମିଳିଛି । କ୍ୟାପ୍ସନ୍ରେ ଅଭିନେତା ଲେଖିଛନ୍ତି, ମୁଁ ଗାଇଥିବା କବିତାକୁ ସୁନ୍ଦର ଭାବେ ଡ୍ୟାନ୍ସଫର୍ମରେ ଦର୍ଶାଯାଇଛି । ବିଗ ବି କବିତା ମାଧ୍ୟମରେ କହିଛନ୍ତି ଯେ, 'ମୁଠୀ ମେ କୁଛ ସପ୍ନେ ଲେକର, ଭର କର ଜୀବନ ମେ ଆଶାୟେଁ, ଦିଲ ମେ ହେ ଅରମାନ ୟହି, କୁଚ୍ଚ କର ଯାଏଁ, ସୁରଜ ସା ତେଜ ନେହିଁ, ଦୀପକ ସା ଜଲତା ଦେଖୋଗେ, ଅପନି ହଦ ରୋଶନ କରନେ ସେ, ତୁମ ମୁଝକୋ କବ୍ ତକ୍ ରୋକୋଗେ ।' ଏହାର ଅର୍ଥ ମୁଠାଏ ସ୍ବପ୍ନ, ଜୀବନରେ ଭରି ଅନେକ ଆଶା, ମନରେ ଜିଜ୍ଞାସା ନେଇ କିଛି କରିବା, ସୂର୍ଯ୍ୟ ଭଳି ତେଜ ନୁହେଁ, ମୋତେ ଦୀପ ଭଳି ଜଳିବା ଦେଖିବ। ନିଜକୁ ପ୍ରତିଫଳିତ କରିବାରେ ତୁମେ କେତେଦିନ ମୋତେ ରୋକି ପାରିବ।