ମୁମ୍ବାଇ:ଆପ୍ ସାଂସଦ ରାଘବ ଚଢାଙ୍କ ସହ ବଲିଉଡ ଅଭିନେତ୍ରୀ ପରିଣୀତି ଚୋପ୍ରାଙ୍କ ପ୍ରେମ ସମ୍ପର୍କ ଥିବା ନେଇ ଚର୍ଚ୍ଚା ଜୋର ଧରିଛି । ନିକଟରେ ଉଭୟଙ୍କୁ ଏକ ରେଷ୍ଟୁରାଣ୍ଟରେ ଏକାଠି ଦେଖିବାକୁ ମିଳିଥିବା ମିଳେ ପରସ୍ପରକୁ ଡେଟିଂ କରୁଥିବା କୁହାଯାଉଛି । ଯାହା ପରେ ସେମାନଙ୍କ ସମ୍ପର୍କ ବିଷୟରେ ଗୁଜବ ସୃଷ୍ଟି ହେବା ସହ ସେମାନଙ୍କର ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଗୁଜବ ମଧ୍ୟରେ ସୋସିଆଲ ମିଡିଆରେ ଜଣେ ଆପ୍ ନେତା ପରିଣୀତି ଏବଂ ରାଘବଙ୍କୁ ଅଭିନନ୍ଦନ ଜଣାଇଛନ୍ତି ।
ଆପ୍ ନେତା ସଞ୍ଜୀବ ଆରୋରା ପରିଣୀତି ଏବଂ ରାଘବଙ୍କୁ ଅଭିନନ୍ଦନ ଜଣାଇଛନ୍ତି । ସେ ତାଙ୍କ ଅଫିସିଆଲ ଟ୍ବିଟର ହ୍ୟାଣ୍ଡେଲରେ ପରିଣୀତି ଏବଂ ରାଘବଙ୍କ ଏକ ଫଟୋ ସେୟାର କରି ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି । ଯେଉଁଥିରେ କ୍ୟାପସନରେ ଲେଖାଥିଲା, 'ମୁଁ ରାଘବ ଚଢା ଏବଂ ପରିଣୀତି ଚୋପ୍ରାଙ୍କୁ ହୃଦୟରୁ ଅଭିନନ୍ଦନ ଜଣାଉଛି । ସେମାନଙ୍କ ଭଲପାଇବା ଏବଂ ସେମାନେ ଖୁସିରେ ରୁହନ୍ତୁ ବୋଲି ଆଶୀର୍ବାଦ କରୁଛି । ତେବେ AAP ନେତା ଏହି ପୋଷ୍ଟ କରିବା ମାତ୍ରେ ପ୍ରଶଂସକମାନେ ଏହା ଉପରେ ପ୍ରତିକ୍ରିୟା ଦେବା ଆରମ୍ଭ କରିଥିଲେ । ଜଣେ ପ୍ରଶଂସକ ଲେଖିଛନ୍ତି, 'ଏହା କେବେ ଘୋଷଣା କରାଯାଇଥିଲା ?' ଅନ୍ୟ ଜଣେ ପ୍ରଶଂସକ 'ଆପଣ ବିବାହ କରୁଛ କି ' ବୋଲି ପ୍ରଶ୍ନ କରିଥିବା ଦେଖିବାକୁ ମିଳିଛି ।