ନୂଆଦିଲ୍ଲୀ: ଅମିର ଖାନଙ୍କ ଫିଲ୍ମ 'ଲାଲ ସିଂ ଚଢା' କ୍ରମାଗତ ଭାବରେ ଚର୍ଚ୍ଚାରେ ରହିଆସିଛି । ଫିଲ୍ମ ରିଲିଜକୁ ଆଉ କିଛି ସମୟ ବାକି ଅଛି, କିନ୍ତୁ ସୋସିଆଲ ମିଡିଆରେ ଅମିର ଖାନ ଏବଂ କରୀନା କପୁରଙ୍କ ଫିଲ୍ମ ପ୍ରତି ଲୋକଙ୍କ ଅସନ୍ତୋଷ କମିବାରେ ନାଁ ନେଉନି । ଟ୍ୱିଟରରେ ଏବେ ବି 'ଲାଲ ସିଂ ଚଢା' କୁ ବୟକଟ୍ କରିବା ଟ୍ରେଣ୍ଡ୍ ଜାରି ରହିଛି । ଚଳଚ୍ଚିତ୍ର ପ୍ରତି ଏହିଭଳି ନେଗେଟିଭ୍ ପ୍ରତିକ୍ରିୟା ଅମିର ଖାନଙ୍କ ନିଦ ହଜାଇଦେଇଛି । ଖୋଦ୍ ଅମିର ଖାନ ନିଜେ କହିଛନ୍ତି କି, ‘ସେ ଏହି ଫିଲ୍ମକୁ ନେଇ ବହୁ ଚିନ୍ତିତ ଅଛନ୍ତି ’।
48 ଘଣ୍ଟା ଧରି ଶୋଇ ନାହାଁନ୍ତି ଅମିର ଖାନ
ଏକ ସାକ୍ଷାତକାରରେ ଅମିର ଖାନ କହିଛନ୍ତି ଯେ, ସେ ଏହି ଚଳଚ୍ଚିତ୍ରକୁ ନେଇ ବହୁତ ନର୍ଭସ ଅଛନ୍ତି । 48 ଘଣ୍ଟାରୁ ଅଧିକ ସମୟ ହୋଇଗଲାଣି ସେ ଶୋଇ ନାହାଁନ୍ତି । ଏହାପୂର୍ବରୁ 9 ଅଗଷ୍ଟରେ ଅମିର ଖାନ ତାଙ୍କ ଫିଲ୍ମ 'ଲାଲ ସିଂ ଚଢା'ର ପ୍ରମୋସନ ପାଇଁ ଦିଲ୍ଲୀ ଆସିଥିଲେ । ଯେଉଁଠାରେ ସେ ଫିଲ୍ମ ପାଇଁ ଏକ ସାମ୍ବାଦିକ ସମ୍ମିଳନୀ କରିଥିଲେ । ଏହି ସାମ୍ବାଦିକ ସମ୍ମିଳନୀରେ ଅମିର ଖାନ କହିଛନ୍ତି ଯେ, ‘ଯଦି କେହି ଏହି ଚଳଚ୍ଚିତ୍ର ଦେଖିବାକୁ ଚାହାନ୍ତି ନାହିଁ, ତେବେ ସେ ତାଙ୍କ ନିଷ୍ପତ୍ତିକୁ ସମ୍ମାନ କରନ୍ତି । କିନ୍ତୁ ସେ ଚାହୁଁଛନ୍ତି ଯେ, ଏହି ଚଳଚ୍ଚିତ୍ର ଦେଖିବା ପାଇଁ ଅଧିକରୁ ଅଧିକ ଲୋକ ଥିଏଟରକୁ ଆସନ୍ତୁ ।’