ଅମିର ଖାନଙ୍କ ସହ ନଜର ଆସିଲେ ଦୁଇ ପୂର୍ବତନ ପତ୍ନୀ, ଫ୍ୟାନ୍ସ କଲେ ଏମିତି କମେଣ୍ଟ...

ଅଭିନେତା ଅମିର ଖାନ ତାଙ୍କର ପୂର୍ବତନ ପତ୍ନୀ କିରଣ ରାଓ ଏବଂ ରୀନା ଦତ୍ତାଙ୍କ ସହ ଏକାଠି ନଜର ଆସିଛନ୍ତି । ଏମାନଙ୍କ ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ଅଧିକ ପଢନ୍ତୁ

ମୁମ୍ବାଇ:ବଲିଉଡର ମିଷ୍ଟର ପରଫେକ୍ସନିଷ୍ଟ ଅମିର ଖାନ ତାଙ୍କ ପର୍ସନାଲ ଲାଇଫକୁ ପ୍ରାଇଭେଟ୍‌ ରଖିବାକୁ ପସନ୍ଦ କରନ୍ତି । କିନ୍ତୁ ଏହା ସତ୍ତ୍ବେ ବି ସେ କୌଣସି ନା କୌଣସି କାରଣ ପାଇଁ ଚର୍ଚ୍ଚାକୁ ଆସିଯାଆନ୍ତି। ନିକଟରେ ତାଙ୍କର ପୂର୍ବତନ ପତ୍ନୀ କିରଣ ରାଓ ଏବଂ ରୀନା ଦତ୍ତା ଏକାଠି ନଜର ଆସିଥିଲେ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଏହା ବାସ୍ତବରେ ଅମିର ଖାନଙ୍କ ଭାଇ ମନସୁର ଖାନଙ୍କ ‘ବୁକ୍ ୱାନ୍: ଦ ଷ୍ଟୋରୀ ଅଫ୍ ଅଲ୍ଟିମେଟ୍ ମିଥ୍‌’ର ଲଞ୍ଚ ଇଭେଣ୍ଟ ଥିଲା । ଏହି ସମୟରେ ତାଙ୍କର ପୂର୍ବତନ ପତ୍ନୀ କିରଣ ରାଓ ଏବଂ ରୀନା ଦତ୍ତା ଏକାଠି ନଜର ଆସିଥିଲେ। ଇଭେଣ୍ଟରେ ଉଭୟ ଏକାଠି ହସୁଥିବା ନଜର ଆସିଥିଲେ। କେବଳ ଏତିକି ନୁହେଁ, ସେ ପାପାରାଜିଙ୍କ ସାମ୍ନାରେ ମଧ୍ୟ ଜୋରଦାର ପୋଜ୍ ଦେଇଥିଲେ। ଭିଡିଓ ଦେଖି ଲାଗୁଛି ଯେ ଉଭୟ ଭଲ ବଣ୍ଡିଂ ସେୟାର କରନ୍ତି।

ଏହି କାର୍ଯ୍ୟକ୍ରମରେ ରୀନା ଦତ୍ତା ନୀଳ ଏବଂ ଧଳା ପ୍ରିଣ୍ଟେଡ୍‌ ପୋଷାକ ପିନ୍ଧିଥିବାର ନଜର ଆସିଥିଲେ। ଏହା ସହିତ ସେ ରୂପା କାନଫୁଲ ପିନ୍ଧିଥିଲେ, ଯେଉଁଥିରେ ସେ ବହୁତ ସୁନ୍ଦର ଦେଖାଯାଉଥିଲେ । ସେହିପରି କିରଣ ରାଓ ସବୁଜ ରଙ୍ଗର ପୋଷାକ ସହିତ ନୀଳ ଜ୍ୟାକେଟ୍ ପିନ୍ଧିଥିବାର ନଜର ଆସିଥିଲେ। ଉଭୟଙ୍କ ସିମ୍ପଲ ଅନ୍ଦାଜକୁ ଫ୍ୟାନ୍ସ ବେଶୀ ପସନ୍ଦ କରନ୍ତି । ସୋସିଆଲ ମିଡିଆରେ ଉଭୟଙ୍କ ବଣ୍ଡିଂକୁ ମଧ୍ୟ ପ୍ରଶଂସା କରାଯାଉଛି ।

ଅମିର ଖାନ୍‌ 18 ଏପ୍ରିଲ 1986 ରେ ରୀନା ଦତ୍ତଙ୍କୁ ବିବାହ କରିଥିଲେ। ସେମାନେ ଦୁଇ ସନ୍ତାନର ପିତାମାତା । ପୁଅର ନାମ ଜୁନାଦ ଏବଂ ଝିଅର ନାମ ଇରା । 16 ବର୍ଷ ଏକାଠି ରହିବା ପରେ 2002 ରେ ଦୁହେଁ ଛାଡପତ୍ର ହୋଇଥିଲେ। 28 ଡିସେମ୍ବର 2005 ରେ ଅମିର ଖାନ କିରଣ ରାଓଙ୍କୁ ବିବାହ କରିଥିଲେ। କିନ୍ତୁ ଜୁଲାଇ 2021 ରେ ଏହି ଦମ୍ପତି ଛାଡପତ୍ର ଘୋଷଣା କରିଥିଲେ। ଅମିର ଖାନ ଉଭୟ ପତ୍ନୀଙ୍କ ସହ ଏକ ଭଲ ବଣ୍ଡିଂ ସେୟାର କରନ୍ତି ।