ଆମୀର ଖାନଙ୍କ ଝିଅ ଇରା ଖାନଙ୍କ ବାହାଘର ମୁମ୍ବାଇ: ବର୍ତ୍ତମାନ ବଲିଉଡରେ ବିବାହ ଋତୁ ଚାଲିଛି । ବର୍ଷର ଆରମ୍ଭରେ ଆମୀର ଖାନଙ୍କ ଝିଅ ଇରା ଖାନ ତାଙ୍କ ଦୀର୍ଘ ଦିନର ବୟଫ୍ରେଣ୍ଡ ନୂପୁର ଶିଖରେଙ୍କୁ ବିବାହ କରିଛନ୍ତି । ଏହି ବିବାହ ସାଧାରଣ ଷ୍ଟାଇଲରେ ଆୟୋଜନ ହୋଇଥିବା ବେଳେ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ବର ଅର୍ଥାତ୍ ନୂପୁର ଶିଖରେ ହାପ୍ ପ୍ୟାଣ୍ଟ ଏବଂ ବନିୟାନ ପିନ୍ଧି ଇରାଙ୍କୁ ବିବାହ କରିଛନ୍ତି । ଏଥିସହ ଏହି ବିବାହରେ ଆମୀର ଖାନଙ୍କ ଉଭୟ ପୂର୍ବ ପତ୍ନୀ ରୀନା ଦତ୍ତା ଏବଂ କିରଣ ରାଓଙ୍କୁ ଏକାଠି ଦେଖିବାକୁ ମିଳିଛି । ଯାହାର ଅନେକ ଭିଡିଓ ବର୍ତ୍ତମାନ ଭାଇରାଲ ହେବାରେ ଲାଗିଛି ।
ଜାନୁଆରୀ ୩(ବୁଧବାର) ଇରା ଖାନ ଏବଂ ନୂପୁର ଶିଖରେ ସାତ ଜନ୍ମର ସାଥୀ ହୋଇଛନ୍ତି । ଏହି ବିବାହ ଅନ୍ୟ ବଲିଉଡ ତୁଳନାରେ ବହୁତ ସାଧାରଣ ରହିଥିଲା । ଏହି ସମୟରେ ବର ଅର୍ଥାତ୍ ନୂପୁର ହାପ୍ ପ୍ୟାଣ୍ଟ ଏବଂ ବନିୟାନରେ ବରଯାତ୍ରୀ ନେଇ ବିବାହ ମଣ୍ଡପରେ ପହଞ୍ଚିଥିଲେ । ଏଥିସହ ସେ ବ୍ୟାଣ୍ଡ ବାଜାରେ ଖୁବ ନାଚୁଥିବାର ମଧ୍ୟ ନଜର ଆସିଥିଲେ । ଜଗିଂ କରି କରି ବିବାହ ମଣ୍ଡପରେ ପହଞ୍ଚିଥିଲେ ବର । ଏହାପରେ ଜ୍ବାଇଁ ନୂପୁରଙ୍କୁ ସ୍ବାଗତ କରିଥିଲେ ଆମୀର । ପରେ ସେହି ସମାନ ଆଉଟଫିଟରେ ସେ ପରିବାର ଏବଂ ସାଙ୍ଗସାଥୀଙ୍କ ଗହଣରେ ବିବାହ କାଗଜପତ୍ରରେ ଦସ୍ତଖତ କରୁଥିବା ନଜର ଆସିଛନ୍ତି । ଏହି ସମୟରେ ଆମୀର ଖାନ ଏବଂ ତାଙ୍କ ପୂର୍ବ ପତ୍ନୀ କିରଣ ରାଓ ଓ ରୀନା ଦତ୍ତା ସାମିଲ ଥିବା ଦେଖିବାକୁ ମିଳିଛି ।
ଇରା ପିଙ୍କ-ଗ୍ରୀନ ରଙ୍ଗର ଆଉଟଫିଟରେ ଦେଖିବାକୁ ମିଳିଥିବା ବେଳେ ଆମୀର ଖାନଙ୍କୁ ମୁଣ୍ଡରେ ପଗଡି ସହ ଶେରୱାନି ପିନ୍ଧିଥିବାର ନଜର ଆସିଛନ୍ତି । ରୀନା ଦତ୍ତା ଏକ ସାଲୱାର ଆଉଟଫିଟରେ ନଜର ଆସିଥିବା ବେଳେ କିରଣ ରାଓ ମଧ୍ୟ ପାରମ୍ପରିକ ଲୁକରେ ନଜର ଆସିଛନ୍ତି । କହିରଖୁଛି ଯେ, ରେଜିଷ୍ଟ୍ରି ବିବାହ ପରେ ଇରା ଖାନ ଏବଂ ନୂପୁର ଶିଖର ଉଦୟପୁରରେ ରୀତିନୀତି ସହ ପୁଣି ବିବାହ କରିବେ । ଏହାପରେ ଆମୀର ଖାନ ବଲିଉଡ ଇଣ୍ଡଷ୍ଟ୍ରି ପାଇଁ ଏକ ରିସେପ୍ସନ୍ ପାର୍ଟି ଜାନୁଆରୀ ୧୩ରେ ମଧ୍ୟ ଆୟୋଜନ କରିବେ ଯେଉଁଥିରେ ବହୁ ବଡ଼ ବଡ଼ ତାରକା ଯୋଗଦେବେ ବୋଲି ଆଶା କରାଯାଉଛି ।
ସୂଚନା ଥାଉକି, ନଭେମ୍ବର ୨୦୨୨ରେ ଇରା-ନୂପୁର ନିର୍ବନ୍ଧ କରିଥିଲେ । ନୂପୁର ଶିଖରଙ୍କ ବିଷୟରେ କହିବାକୁ ଗଲେ ସେ ବୃତ୍ତିରେ ଜଣେ ଫିଟନେସ୍ କୋଚ୍ ଅଟନ୍ତି । ଇରା ପୂର୍ବରୁ ଏକ ସାକ୍ଷାତକାରରେ ପ୍ରକାଶ କରିଥିଲେ ଯେ, ସେ ଫିଟନେସ୍ କୋଚ୍ ନୂପୁରଙ୍କୁ ଭେଟିଥିଲେ ଏବଂ ତାଙ୍କ ପ୍ରେମରେ ପଡିଥିଲେ । ୧୭ ବର୍ଷ ବୟସରେ ସେ ତାଙ୍କୁ ତାଲିମ ଦେବା ଆରମ୍ଭ କରିଥିଲେ । ପରେ ଦୁହିଁଙ୍କ ଭିତରେ ଧୀରେ ଧୀରେ ବନ୍ଧୁତା ଆରମ୍ଭ ହୋଇ ଡେଟିଂ କରିଥିଲେ । ଏକ ଖେଳ ଆୟୋଜନ ସମୟରେ ନୂପୁର ଇରାଙ୍କୁ ପ୍ରପୋଜ କରିଥିଲେ । ଯାହାପରେ ସେ ହଁ କରିବା ସହ ଉଭୟ ବିବାହ ପାଇଁ ମନସ୍ଥ କରିଥିଲେ ।
ଏହା ମଧ୍ୟ ପଢନ୍ତୁ:ଇରା-ନୁପୁରଙ୍କ ମେହେନ୍ଦି; ପାରମ୍ପରିକ ଲୁକରେ ଆମୀର-କିରଣ
