ମୁମ୍ବାଇ:ବଲିଉଡ ଲୋକପ୍ରିୟ ଅଭିନେତ୍ରୀ କାଜୋଲ 90 ଦଶକରୁ ବର୍ତ୍ତମାନ ଯାଏଁ ନିଜ ଅଭିନୟ ଯାଦୁରେ ଅନେକ ହିଟ ଫିଲ୍ମ ଦେଇ ଦର୍ଶକଙ୍କ ମନ ଜିତି ଆସୁଛନ୍ତି । ତେବେ କାଜୋଲଙ୍କ ଫ୍ୟାନ୍ସଙ୍କ ପାଇଁ ଏକ ଖୁସି ଖବର ଆସିଛି । 'ଦ ଗୁଡ ୱାଇଫ' ୱେବ ସିରିଜ ସହ ଓଟିଟିରେ ଡେବ୍ୟୁ କରିବାକୁ ଯାଉଛନ୍ତି କାଜୋଲ । ଏନେଇ କାଜୋଲ ସୋସିଆଲ ମିଡିଆରେ ଟିମ ସହ ଫଟୋ ସେୟାର କରିଛନ୍ତି । ସେପଟେ ଲୋକପ୍ରିୟ ଅଭିନେତା ଆମୀର ଅଲି ମଧ୍ୟ 'ଦି ଗୁଡ୍ ୱାଇଫ୍' ସିରିଜର ପୁରା କାଷ୍ଟ ଏବଂ କ୍ରୁଙ୍କ ଫଟୋ ସେୟାର କରିଛନ୍ତି ।
'ଦ ଗୁଡ ୱାଇଫ' ୱେବସିରିଜ ସହ ଓଟିଟିରେ ଡେବ୍ୟୁ କରିବେ କାଜୋଲ
'ଦି ଗୁଡ୍ ୱାଇଫ୍' ୱେବସିରିଜ ନିର୍ଦ୍ଦେଶକ ସୁପର୍ଣ୍ଣ ଭର୍ମା ପୁରା ଟିମର କଳାକାରଙ୍କ ପାଇଁ ଏକ ଭୋଜିର ଆୟୋଜନ କରିଥିଲେ । ଏଠାରେ ସିରିଜ ସମସ୍ତ ଷ୍ଟାର ଯୋଗ ଦେଇଥିଲେ । ନିଜ ଇନଷ୍ଟାଗ୍ରାମ ଷ୍ଟୋରୀରେ କାଜୋଲ ଟିମ ସହ ଫଟୋ ସେୟାର କରିଛନ୍ତି ଏବଂ କ୍ୟାପସନରେ ଦ ଗୁଡ ଟିମ ବୋଲି ଲେଖିଛନ୍ତି । ସେହିପରି ଇନଷ୍ଟାଗ୍ରାମରେ ଆମୀର ଅଲି 'ଦି ଗୁଡ୍ ୱାଇଫ୍' ସିରିଜର ପୁରା ଟିମର ଫଟୋ ସେୟାର କରିଛନ୍ତି । ଯେଉଁଥିରେ ସିରିଜର ପ୍ରମୁଖ ଚେହେରା ଯଥା କାଜୋଲ, ଜିଶୁ ସେନଗୁପ୍ତା, ଶିବା ଚଢା, କୁବ୍ରା ସେତ ଏବଂ ଅନେକତ ତାରକା ସାମିଲ ହୋଇଛନ୍ତି । ଏହି ଫଟୋ ସହ ସେ କ୍ୟାପସନରେ ଲେଖିଛନ୍ତି, ୟା ଆମେ ଶୀଘ୍ର ଆସୁଛୁ । ସୁନ୍ଦର ସନ୍ଧ୍ୟା ପାଇଁ ମୋ ନିର୍ଦ୍ଦେଶକ ସୁପର୍ଣ୍ଣ ଭର୍ମା ଧନ୍ୟବାଦ ।
ସୂଚନା ଥାଉ କି, ଦି ଗୁଡ୍ ୱାଇଫ୍ ହେଉଛି ଆମେରିକାର କୋର୍ଟ ରୁମ୍ ଡ୍ରାମା ଦି ଗୁଡ୍ ୱାଇଫର ଭାରତୀୟ ରିମେକ ଅଟେ । ଆମେରିକୀୟ ସିରିଜରେ ଜୁଲିଆନା ମାରଗୁଲିସ୍ ମୁଖ୍ୟ ଭୂମିକାରେ ଅଭିନୟ କରିଥିଲେ ଏବଂ 2009 ରେ ପ୍ରସାରଣ ଆରମ୍ଭ କରିଥିଲେ । ଶୋ’ର 7ଟି ସିଜନ ରହିଥିଲା ଏବଂ ଏହା 2016ରେ ଶେଷ ହୋଇଥିଲା । ହିନ୍ଦୀର ଏହି ସିରିଜରେ ବଲିଉଡ ଅଭିନେତ୍ରୀ କାଜୋଲ ମୁଖ୍ୟ ଭୂମିକାରେ ନଜର ଆସିବେ ଏବଂ ଏହା ତାଙ୍କର ୱେବ୍ ସିରିଜ୍ ଡେବ୍ୟୁ ହେବ ।
'ଦି ଗୁଡ୍ ୱାଇଫ୍'ରେ କାଜୋଲ ଜଣେ ଗୃହିଣୀ ଭୂମିକାରେ ନଜର ଆସିବେ । ଯିଏ ସ୍ୱାମୀଙ୍କ ସ୍କାମ ତାଙ୍କୁ ଜେଲରେ ରଖିବା ପରେ ଓକିଲ ଭାବରେ କାମ କରିବେ । ଏହି ସିରିଜ୍ ଡିସ୍ନି ପ୍ଲସ୍ ହଟଷ୍ଟାରରେ ଷ୍ଟ୍ରିମ୍ ହେବ । କାଜୋଲ ଇନଷ୍ଟାଗ୍ରାମରେ ଏକ ଟିଜର ମଧ୍ୟ ସେୟାର କରିଛନ୍ତି, ଯେଉଁଥିରେ ସେ ବ୍ଲାକ ରଙ୍ଗର ପୋଷାକ ପିନ୍ଧି କୋର୍ଟ ପରିସରକୁ ଯାଉଛନ୍ତି । ତା’ପରେ ସେ ପଚାରନ୍ତି, 'ଆରମ୍ଭ ?' 30 ସେକେଣ୍ଡର ଘୋଷଣା ଭିଡିଓରେ କାଜୋଲଙ୍କ ଚରିତ୍ର ବିଷୟରେ ଅନେକ କିଛି କୁହାଯାଇଛି । ସେ ଲେଖିଛନ୍ତି, 'ପ୍ୟାର, କାନୁନ, ଧୋକା - ଦି ଗୁଡ୍ ୱାଇଫ୍ ଯୁଦ୍ଧ, ହଟଷ୍ଟାର୍ ସ୍ପେଶାଲ୍ ଖୁବ ଶୀଘ୍ର ଆସିବ । ସେପଟେ ଆମୀର ଅଲିଙ୍କ କଥା କହିବାକୁ ଗଲେ, ଆମୀର 'ବ୍ଲାକ୍ ବିଡୋ' ଏବଂ 'ନକ୍ସଲବାଦୀ' ପରି ସିରିଜରେ ଅଭିନୟ କରିଥିଲେ।
