ବଞ୍ଚି ଥାଉ ଥାଉ ମାରିଦେଲା ଭୋଟର ଲିଷ୍ଟ !

ସମ୍ବଲପୁର ଜିଲ୍ଲା ଭୂତା ପଡାରର 164 ନମ୍ବର ବୁଥରେ ଅଭାବନୀୟ ଘଟଣା । ଭୋଟର ଜଣଙ୍କ ଜୀବିତ ଥିବାବେଳ ତାଙ୍କୁ ମୃତ ବୋଲି ଘୋଷଣା କରିଛି ଭୋଟର ଲିଷ୍ଟ ।

ସମ୍ବଲପୁର: ଭୋଟ ଦେବା ପ୍ରତି ନାଗରିକଙ୍କ ଦାୟିତ୍ବ । ତେବେ ଅନେକ ସମୟରେ କୌଣସି ନା କୌଣସି କାରଣରୁ ଅନେକ ଭୋଟର ମଧ୍ୟ ଭୋଟ ଦେବାରୁ ବଞ୍ଚିତ ହୋଇଥାନ୍ତି । ସମ୍ବଲପୁରରେ ସେଭଳି ଏକ ଘଟଣା ଦେଖିବାକୁ ମିଳିଛି ।

ଏଠି ଭୋଟର ଅଛନ୍ତି । ଭୋଟ ପରିଚୟ ପତ୍ର ମଧ୍ୟ ଅଛି । ଭୋଟର ଲିଷ୍ଟରେ ନାଁ ମଧ୍ୟ ଅଛି । କିନ୍ତୁ ଭୋଟର ଜଣଙ୍କ ବଞ୍ଚି ଥାଉ ଥାଉ ଲିଷ୍ଟରେ ତାଙ୍କୁ ମୃତ ବୋଲି ଘୋଷଣା କରାଯାଇଛି । ଏଭଳି ଏକ ନିନ୍ଦନୀୟ ଓ ଦୁଃଖଦ ଘଟଣା ଘଟିଛି ସମ୍ବଲପୁର ଜିଲ୍ଲା ଭୂତା ପଡାରର 164 ନମ୍ବର ବୁଥରେ ।

ତେବେ ଭୋଟର ଜଣଙ୍କ ହେଉଛନ୍ତି ନୁର ହୁସେନ । ଭୋଟର ଲିଷ୍ଟରେ ତାଙ୍କ ନାଁ ପାଖରେ ଡିଲିଟେଡ ବୋଲି ଲେଖାଯାଇଛି । ଯାହାକି ସେ ମୃତ ବୋଲି ସୂଚାଉଛି । ଏହାସତ୍ବେ ସେ ଭୋଟ ଦେବାପାଇଁ ଆସିଥିବାବେଳେ ତାଙ୍କୁ ଭୋଟ ଦେବାରୁ ବାରଣ କରାଯାଇଥିବା ସେ ସୂଚନା ଦେଇଛନ୍ତି ।

ସମ୍ବଲପୁରରୁ ବାଦସାହା ଜୁସ୍ମନ ରାଣା, ଇଟିଭି ଭାରତ