ପିପିଲିର 273ଟି ବୁଥରେ ମତଦାନ କରୁଛନ୍ତି ଭୋଟର

ପୁରୀ ଜିଲ୍ଲା ପିପିଲି ନିର୍ବାଚନମଣ୍ଡଳୀରେ ଚାଲିଛି ମତଦାନ ପ୍ରକ୍ରିୟା । 273ଟି ବୁଥରେ 2ଲକ୍ଷରୁ ଊର୍ଦ୍ଧ୍ବ ଭୋଟର ନିଜର ମତଦାନ କରି 6 ଜଣ ବିଧାୟକ ପ୍ରାର୍ଥୀ ଏବଂ 5 ଜଣ ସାଂସଦ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ।

ପୁରୀ: ତୃତୀୟ ପର୍ଯ୍ୟାୟ ନିର୍ଵାଚନ ପାଇଁ ଜାରି ରହିଛି ମତଦାନ । ବେଶ ଉତ୍ସାହର ସହ ଭୋଟ ଦେଉଛନ୍ତି ଭୋଟର । ପିପିଲି ନିର୍ବାଚନମଣ୍ଡଳୀ ପାଇଁ ନିର୍ମିତ ହୋଇଛି 273ଟି ବୁଥ । 2ଲକ୍ଷ 23 ହଜାର 494 ଜଣ ଭୋଟର ନିଜର ମତଦାନ କରି 6 ଜଣ ବିଧାୟକ ପ୍ରାର୍ଥୀ ଏବଂ 5 ଜଣ ସାଂସଦ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ।

ତେବେ ପିପିଲି ନିର୍ଵ।ଚନ ମଣ୍ଡଳୀରେ 1ଲକ୍ଷ 16 ହଜାର 296 ଜଣ ପୁରୁଷ ଭୋଟର ଥିବାବେଳେ 1ଲକ୍ଷ 7 ହଜାର 196 ଜଣ ମହିଳା ଭୋଟର ରହିଛନ୍ତି । ସେପଟେ 273 ଗୋଟି ବୁଥ ମଧ୍ୟରୁ 44 ଗୋଟି ବୁଥକୁ ଅତି ଉତ୍ତେଜନା ପ୍ରବଣ ଓ 132 ଗୋଟି ବୁଥକୁ ଉତ୍ତେଜନା ପ୍ରବଣ ବୁଥ ଭାବେ ଘୋଷଣା କରାଯାଇଛି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ