ସମ୍ବଲପୁର: ପ୍ରତିବଦ୍ଧତାର ଇସ୍ତାହାର ଉନ୍ନୋଚନ କରିଛନ୍ତି ସମ୍ବଲପୁର ବିଧାନସଭାର ବିଜେଡି ପ୍ରାର୍ଥୀ ଡା. ରାସେଶ୍ବରୀ ପାଣିଗ୍ରାହୀ । ଶ୍ରେଷ୍ଠ ସମ୍ବଲପୁର ଗଢିବାର ଦୃଢ ସଙ୍କଳ୍ପ ପତ୍ରରେ ରହିଛି ସମ୍ବଲପୁରକୁ ସ୍ମାର୍ଟ ସିଟି କରିବା ଭଳି ଅନେକ ମୁଖ୍ୟ ମୁଦ୍ଦା । ଆଗାମୀ ନିର୍ବାଚନରେ ସମ୍ବଲପୁରର ସର୍ବାଙ୍ଗୀନ ବିକାଶ ପାଇଁ ଇସ୍ତାହାରରେ ରହିଛି ପ୍ରତିଶ୍ରୁତି ।
ଭିଡିଓ ସୌଜନ୍ୟ: ସମ୍ବାଦଦାତା ସମ୍ବଲପୁର
ଏହି ନିର୍ବାଚନୀ ଇସ୍ତାହାରରେ ବୁର୍ଲା ଓ ହୀରାକୁଦ ବସ୍ତିବାସୀଙ୍କୁ ସ୍ଥାୟୀ ଜମିପଟ୍ଟା ପ୍ରଦାନ କରିବା ପାଇଁ ରହିଛି ଦୃଢ ପ୍ରତିଶ୍ରୁତି । ସେହିପରି ସମ୍ବଲପୁରରେ ହାଇକୋର୍ଟ ସ୍ଥାୟୀ ବେଞ୍ଚ ପ୍ରତିଷ୍ଠା, 24 ଘଣ୍ଟା ପାନୀୟ ଜଳ ଯୋଗାଣ ବ୍ୟବସ୍ଥା, ସମ୍ବଲପୁର ମହିଳା ମହାବିଦ୍ୟାଳୟକୁ ବିଶ୍ବବିଦ୍ୟାଳୟରେ ପରିଣତ କରିବା ପାଇଁ ସଙ୍କଳ୍ପ । ଏହାସହ ଜମାଦାରପାଲି ଏୟାର ଷ୍ଟ୍ରିପରୁ ରାଜ୍ୟର ଅନ୍ୟ ସହର ଗୁଡ଼ିକୁ ପୁନଃ ବିମାନ ସେବା ଆରମ୍ଭ, ସହର ଉପକଣ୍ଠରେ ଆଉଟର ରିଂରୋଡ଼ ନିର୍ମାଣ କରିବା ଭଳି ଅନେକ ପ୍ରସଙ୍ଗକୁ ଏହି ଇସ୍ତାହାରରେ ସ୍ଥାନ ଦେଇଛନ୍ତି ରାସେଶ୍ବରୀ ।