ବ୍ରହ୍ମପୁର: ହିଞ୍ଜିଳିକାଟୁରେ ବାଉଳେଇଗଲେ ପିତାମ୍ବର । ନବୀନଙ୍କ ସହ ଟକ୍କର ପୂର୍ବରୁ ବାଟ ହୁଡିଲେ ବିଜେପି ପ୍ରାର୍ଥୀ । କହିଲେ ମୋଦିଙ୍କ ଚିହ୍ନ ହାତ । ଆଉ ପରେ ପୁଣି ନିଜ ଭୁଲ ପାଇଁ କ୍ଷମା ମାଗିଲେ । ଯାହାକୁ ନେଇ ଏବେ ଚର୍ଚ୍ଚା ସରଗରମ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ରବିବାର ଗଞ୍ଜାମ ପୋଲସରାଠାରେ ଦେଖିବାକୁ ମିଳିଥିଲା ଏଭଳି କିଛି ଦୃଶ୍ୟ । ଆୟୋଜିତ ହୋଇଥିଲା ବିଜେପିର ବିଜୟ ସଙ୍କଳ୍ପ ସମାବେଶ । ଏହି ଅବସରରେ ହିଞ୍ଜିଳିକାଟୁ ନିର୍ବାଚନମଣ୍ଡଳୀରୁ ବିଧାୟକ ପ୍ରାର୍ଥୀ ଭାବେ ପ୍ରତିଦ୍ୱନ୍ଦ୍ବିତା କରୁଥିବା ପିତାମ୍ୱର ଆଚାର୍ଯ୍ୟ ଭାଷଣ ଦେଉଥିଲେ । ହେଲେ ସେ ତାଙ୍କ ବକ୍ତବ୍ୟରେ ମୋଦିଙ୍କ ଚିହ୍ନ ହାତ ଚିହ୍ନ ବୋଲି କହି ବକ୍ତବ୍ୟ ଶେଷ କରି ବସିଯାଇଥିଲେ । ଏହା ପରେ ଶେଷରେ ପୁଣି ଥରେ ମଞ୍ଚରେ ଏହାକୁ ନେଇ ସ୍ପଷ୍ଟିକରଣ ଦେଇ କ୍ଷମା ଚାହୁଁଥିବା କହିବା ସହ ହାତ ଚିହ୍ନକୁ ପରିତ୍ୟାଗ କରି ପଦ୍ମ ଚିହ୍ନରେ ଭୋଟ ଦେବାକୁ କହିଥିଲେ । ଯାହାକି ସଭାରେ ଚର୍ଚ୍ଚାର ବିଷୟ ପାଲଟିଥିଲା।