କେନ୍ଦୁଝର: ଆଗକୁ ନିର୍ବାଚନ ଥିବା ବେଳେ ଭୋଟ ହାତେଇବା ପାଇଁ ସବୁ ଦଳ ବ୍ୟସ୍ତ । ରାଜ୍ୟ ସରକାର କେନ୍ଦ୍ର ସରକାରଙ୍କ ବିଫଳତା ବଖାଣି ଭୋଟରଙ୍କ ମନ ଜିତିବାକୁ ବ୍ୟସ୍ତ ଥିବା ବେଳେ ଏପଟେ କେନ୍ଦ୍ର ସରକାର ରାଜ୍ୟ ସରକାରଙ୍କ ଦୋଷ ଦୁର୍ବଳତାକୁ ପଦାରେ ପକାଇ ଲୋକଙ୍କ ଆସ୍ଥାଭାଜନ ହେବାକୁ ଚେଷ୍ଟା ଜାରି ରଖିଛନ୍ତି । ଏହି ପରିପ୍ରେକ୍ଷୀରେ କେନ୍ଦୁଝରରେ ଆୟୋଜିତ ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କ ଉପରେ ଜୋରଦାର ବର୍ଷିଛନ୍ତି ଜିଲ୍ଲାର ସମସ୍ତ ବିଧାୟକ ଓ ସାଂସଦ ପ୍ରାର୍ଥୀ ।
ଭିଡିଓ ସୌଜନ୍ୟ: ସମ୍ବାଦଦାତା, କେନ୍ଦୁଝର
ଦୀର୍ଘ 19 ବର୍ଷ ଧରି ଶାସନ କରି ବିଜେଡି ସରକାର ଓଡିଶାକୁ ଲୁଣ୍ଠନ କରିଛନ୍ତି । ସରକାରୀ ସରକାରୀ କାର୍ଯ୍ୟାଳୟରୁ ବେସରକାରୀ ଅନୁଷ୍ଠାନ ସବୁଠି ବିଜେଡି କର୍ମୀ ଗୁଣ୍ଡାରାଜ୍ ଚଳାଇଛନ୍ତି । ମହିଳାଙ୍କ ଠାରୁ ବୃଦ୍ଧ କେହି ମଧ୍ୟ ରାଜ୍ୟରେ ସୁରକ୍ଷିତ ମଣୁନାହାନ୍ତି । ଏହାର ନିଚ୍ଛକ ଉଦାହରଣ ହୋଇଛି କେନ୍ଦୁଝର ଜିଲ୍ଲା । ଜିଲ୍ଲାରେ ଶାସକ ବିଜେଡି ତାର ଅରାଜକତା ବଢେଇ ଚାଲିଥିବା ଅଭିଯୋଗ କରିଛି ଜିଲ୍ଲା ବିଜେପି ।