ପାଲଲହଡାରୁ ନାମାଙ୍କନ ଭରିଲେ ବିଜେଡି ବିଧାୟକ ପ୍ରାର୍ଥୀ ମୁକେଶ ପାଲ

ଅନୁଗୋଳ ଜିଲ୍ଲା ପାଲଲହଡା ବିଧାନସଭା ଆସନ ପାଇଁ ପ୍ରାର୍ଥୀପତ୍ର ଦାଖଲ କରିଛନ୍ତି ବିଜେଡି ବିଧାୟକ ପ୍ରାର୍ଥୀ ମୁକେଶ ପାଲ । ନାମାଙ୍କନ ଦାଖଲ ବେଳେ ମୁକେଶ ପାଲଲହଡ଼ା ଶିବ ମନ୍ଦିର ଠାରୁ ବାହାରି ତାଙ୍କର ହଜାର ହଜାର ସମର୍ଥକଙ୍କ ଗହଣରେ ସହର ପରିକ୍ରମା କରିଥିଲେ।

ଅନୁଗୋଳ: ତୃତୀୟ ପର୍ଯ୍ୟାୟ ନାମାଙ୍କନର ଗୁରୁବାର ଥିଲା ଶେଷ ଦିନ । ଏହି ପର୍ଯ୍ୟାୟରେ ଅନୁଗୋଳ ଜିଲ୍ଲା ପାଲଲହଡା ବିଧାନସଭା ଆସନ ପାଇଁ ପ୍ରାର୍ଥୀପତ୍ର ଦାଖଲ କରିଛନ୍ତି ବିଜେଡି ବିଧାୟକ ପ୍ରାର୍ଥୀ ମୁକେଶ ପାଲ । ନାମାଙ୍କନ ଦାଖଲ ବେଳେ ମୁକେଶ ପାଲଲହଡ଼ା ଶିବ ମନ୍ଦିର ଠାରୁ ବାହାରି ତାଙ୍କର ହଜାର ହଜାର ସମର୍ଥକଙ୍କ ଗହଣରେ ସହର ପରିକ୍ରମା କରିଥିଲେ। ଅପରାହ୍ନରେ ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ନାମାଙ୍କନ ପତ୍ର ଦାଖଲ କରିଥିଲେ।

ତେବେ ବର୍ତ୍ତମାନ ମୁକେଶ ପାଲଲହଡା ବ୍ଲକ ଅଧ୍ୟକ୍ଷ ପଦରେ ଅଛନ୍ତି । ସେ ବିଜେପିର ଜଣେ ସକ୍ରିୟ ସଦସ୍ୟ ଥିଲେ । 4 ଦିନ ପୂର୍ବେ ସେ ବିଜେଡିରେ ସାମିଲ ହୋଇଥିଲେ । ନବୀନ ସରକାର ତାଙ୍କ ଉପରେ ଆସ୍ଥା ପ୍ରକଟ କରି ଦଳୀୟ ଟିକେଟ ଦେଇଥିବାରୁ ସେ ବେଶ ଖୁସି ଅଛନ୍ତି । ତେବେ ପାଲଲହଡା ଲୋକଙ୍କୁ ଏଥର ନବୀନ ପଟ୍ଟନାୟକ ଟିକେଟ ଦେଇଥିବାରୁ ଲୋକେ ନବୀନଙ୍କ ପଛରେ ଛିଡା ହେବେ ବୋଲି ମୁକେଶ କହିଛନ୍ତି ।

ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ