ଭଞ୍ଜନଗର: ଗଞ୍ଜାମ ଜିଲ୍ଲା ଆସିକା ଲୋକସଭା ଏବଂ ସୋରଡା ବିଧାନସଭାର ସୋରଡା ରେଣ୍ଟି ଗ୍ରାମର 182 ନଂ ବୁଥରେ ସାନି ମତଦାନ ଆରମ୍ଭ ହୋଇଯାଇଛି । ଗୁରୁବାର ସକାଳୁ ସକାଳୁ ଭୋଟର ମାନେ ନିଜ ନିଜର ମତ ସାବ୍ୟସ୍ତ କରିବାକୁ ଲମ୍ବା ଧାଡିରେ ଠିଆ ହୋଇଥିବା ବେଳେ ଶାନ୍ତି ଶୃଙ୍ଖଳା ପାଇଁ ଏକ ପ୍ଳାଟୁନ ପୋଲିସ ଫୋର୍ସ ମୁତୟନ କରାଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି, ଭଞ୍ଜନଗର
ସୂଚନା ଅନୁସାରେ ଗତ 18 ତାରିଖ ଦ୍ଵିତୀୟ ପର୍ଯ୍ୟାୟ ମତଦାନରେ ରିଗିଂକୁ କେନ୍ଦ୍ର କରି ଇଭିଏମ ମେସିନ ଭଙ୍ଗାରୁଜା ହୋଇଥିଲା । ତେବେ ଏହି ଘଟଣା ପରେ ନିର୍ବାଚନ କମିଶନଙ୍କ ନିର୍ଦ୍ଦେଶକ୍ରମେ ଆଜି ରେଣ୍ଟି ଗ୍ରାମର 182 ନଂ ବୁଥରେ ସାନି ମତଦାନ ଚାଲୁ ରହିଛି । ଅସହ୍ୟ ଗୁଳୁଗୁଳି ସତ୍ତ୍ବେ ଲୋକେ ଲମ୍ବା ଧାଡିରେ ଠିଆ ହୋଇ ଶାନ୍ତି ଶୃଖଳାରେ ମତଦାନ କରୁଥିବା ଦେଖିବାକୁ ମିଳିଛି ।