କଳାହାଣ୍ଡି: ଆସନ୍ତାକାଲି ପ୍ରଥମ ପର୍ଯ୍ୟାୟ ନିର୍ବାଚନ । ଏଥିପାଇଁ ପ୍ରଶାସନର ପ୍ରସ୍ତୁତି ମଧ୍ୟ ଶେଷ ହୋଇଛି । ଜିଲ୍ଲାର ସମସ୍ତ ପୋଲିଂ ବୁଥରେ ପୋଲିଂ ଅଫିସର ଭୋଟ୍ ଗ୍ରହଣର ସମସ୍ତ ଉପକରଣ ସହ ପହଞ୍ଚିଛନ୍ତି । ମାଓପ୍ରବଣ ସମସ୍ତ ବ୍ଲକରେ ପୋଲିଂ କର୍ମଚାରୀଙ୍କୁ ଯଥେଷ୍ଟ ସୁରକ୍ଷା ଯୋଗାଇ ଦିଆଯାଇଛି ।
ଆଉ ମାତ୍ର କିଛି ଘଣ୍ଟାର ବ୍ୟବଧାନ । ଆରମ୍ଭ ହେବ ଏବର୍ଷ ନିର୍ବାଚନର ପ୍ରଥମ ମତଦାନ । ଏଥିପାଇଁ ପ୍ରସ୍ତୁତ କଳାହାଣ୍ଡି ଜିଲ୍ଲା । ତୟାର ପୋଲିସ ଓ ପ୍ରଶାସନ । ଅପେକ୍ଷା କେବଳ ଭୋଟ ଗ୍ରହଣ ସମୟକୁ । ଜିଲ୍ଲାର ମତଦାତା ସଂଖ୍ୟା ମୋଟ ୧୧ ଲକ୍ଷ ୨୭ ହଜାର ୬୮୩ । ଏମାନଙ୍କ ପାଇଁ ପ୍ରସ୍ତୁତ ୧୪୦୫ଟି ବୁଥ୍ । ଉତ୍ତେଜନାପ୍ରବଣ ଭାବେ ଚିହ୍ନଟ ହୋଇଛି ୨୨୬ଟି ବୁଥ୍ । ୧୩ଟି ବ୍ଲକରୁ ୧୧ଟି ବ୍ଲକ ମାଓପ୍ରବଣ ଅଞ୍ଚଳର । ଏସବୁ ଜାଗାରେ ନିଆଯାଇଛି କଡାକଡି ସୁରକ୍ଷା ବ୍ୟବସ୍ଥା ।
ଭିଡିଓ ସୌଜନ୍ୟ: ସମ୍ବାଦଦାତା, କଳାହାଣ୍ଡି