‘ପୁରୀରେ ବଡ ସଫଳତା ପାଇବ ବିଜେପି’

ପୁରୀରେ ବଡ ସଫଳତା ପାଇବ ବିଜେପି । ଏହି ଦମ୍ଭୋକ୍ତି ପ୍ରକାଶ କରିଛନ୍ତି ବିଜେପି ପ୍ରାର୍ଥୀ ସମ୍ବିତ ପାତ୍ର । ତେବେ ବିଜେଡି-ବିଜେପିକୁ ଚେକମେଣ୍ଟ ଦେବାପାଇଁ କଂଗ୍ରେସ ମଧ୍ୟ ଏଠାରେ ସବୁ ବଳ ଖଟାଇଛି ।

ପୁରୀ: ତୃତୀୟ ପର୍ଯ୍ୟାୟ ନିର୍ବାଚନ ସମୟରେ ପୁରୀରେ ଜୋରଦାର ଉତ୍ସାହ ଦେଖାଯାଇଛି। ମଙ୍ଗଳବାର ଏଠାରେ ଶାନ୍ତି ଶୃଙ୍ଖଳାର ସହିତ ଭୋଟିଂ ମଧ୍ୟ ଚାଲିଛି । ଏପରିକି ପୁରୀ ଲୋକସଭା ଆସନ ସାରାଦେଶର ନଜରରେ ଥିବାରୁ ଏଠାରୁ କିଏ ଜିତିବ ସେ ନେଇ କଳ୍ପନା ଜଳ୍ପନା ଆରମ୍ଭ ହୋଇଛି । ତେବେ ଏଠାରେ ଏଥର ଶାସକ ଦଳର ବିଜୟ ରଥ ଅଟକିବ ବୋଲି ବିଜେପି ପ୍ରାର୍ଥୀ ସମ୍ବିତ ପାତ୍ର କହିଛନ୍ତି ।

ସେପଟେ ବିଜେଡି ବିଜେପିକୁ ଚେକମେଣ୍ଟ ଦେବାପାଇଁ କଂଗ୍ରେସ ପ୍ରାର୍ଥୀ ମଧ୍ୟ ଏଠି କଡା ମୁକାବିଲା କରୁଛନ୍ତି । ପୁରୀରେ ମତଦାନ ଚାଲିଥିବା ବେଳେ ବିଜେପି ପ୍ରାର୍ଥୀ ସମ୍ବିତ ଆଜି ପୁରୀର ବିଭିନ୍ନ ନିର୍ବାଚନ ମଣ୍ଡଳୀ ପରିଦର୍ଶନ କରିଛନ୍ତି । ତେବେ ସମ୍ବିତଙ୍କୁ ’ଇଟିଭି ଭାରତ’ ପ୍ରତିନିଧି ସାକ୍ଷାତ କରିବା ସମୟରେ ସେ କହିଛନ୍ତି, ପୁରୀରେ ବଡ ସଫଳତା ପାଇବ ବିଜେପି ।

ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ