ହାଇଦ୍ରାବାଦ:ରକ୍ତ ମୁଖା ହେଲା ପ୍ରେମିକ । ପ୍ରେମ ପ୍ରତିବଦଳରେ ପ୍ରେମିକାର ଜୀବନ ନେବାକୁ ପଛାଇଲା ନାହିଁ ସୈତାନ ପ୍ରେମିକ । ଅନ୍ୟତ୍ର ବିବାହ ଠିକ୍ ହେବାରୁ ପ୍ରେମିକାରୁ ୧୮ଥର ଛୁରୀରେ ଆକ୍ରମଣ କଲା ପ୍ରେମିକ । ଏଭଳି ଅଭାବନୀୟ ଘଟଣା ଘଟିଛି ତେଲେଙ୍ଗାନା ରଙ୍ଗାରେଡି ଜିଲ୍ଲାର ଏଲବି ନଗର ପୋଲିସ ଷ୍ଟେସନ ଅଞ୍ଚଳରେ ।
ମିଳିଥିବା ସୂଚନା ଅନୁଯାୟୀ ବିକରାବାଦ ଜିଲ୍ଲା ଚନ୍ଦ୍ରକାଲ ଗାଁର ଶିରିଶା ଥିମାରେଡିପାଲ୍ଲୀ ଗ୍ରାମର ଯୁବକ ବସୱାଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ତେବେ ଉଭୟଙ୍କ ବିବାହ ପାଇଁ ଯୁବତୀ ଜଣଙ୍କ ପରିବାର ଲୋକଙ୍କୁ ଜଣାଇଥିଲେ । ହେଲେ ପରିବାର ଲୋକେ ଏଥିରେ ରାଜି ନହୋଇ ଝିଅର ଅନ୍ୟତ୍ର ବିବାହ ଠିକ କରିଥିଲେ । ତେବେ ବିବାହ ପାଇଁ ଯୁବତୀଜଣଙ୍କ ନିର୍ବନ୍ଧ ପରେ ରଙ୍ଗାରେଡି ଜିଲ୍ଲାର ହାସ୍ତିନାପୁରମ ମାମୁଁ ଘରେ ରହୁଥିଲେ । ଏ ବିଷୟରେ ପ୍ରେମିକ ଜାଣିପାରି ଉକ୍ତସ୍ଥାନରେ ପହଞ୍ଚି ଯୁବତୀଙ୍କୁ ଶେଷ ଥର ଦେଖା କରିବା ପାଇଁ ଡାକିଥିଲେ ।