ରାୟପୁର: ମଦ୍ୟପ ସ୍ବାମୀର ନାରକୀୟ କାଣ୍ଡ । ମଦ ପିଇବା ସମୟରେ ସ୍ତ୍ରୀ ରୋକିବାରୁ ସ୍ବାମୀର ମୁଣ୍ଡରେ ଚଢିଲା ପିତ । ଲୁହାରଡରେ ମାଡମାରି ସ୍ତ୍ରୀର ଜୀବନ ନେଲା ସ୍ବାମୀ(Husband murdered wife for stopping drinking wine) । ଏଭଳି ହତ୍ୟାକାଣ୍ଡ ଘଟିଛି ଛତିଶଗଡର ଗରିଆବନ୍ଦ ଜିଲ୍ଲାରେ । ହତ୍ୟାକାରୀ ସ୍ବାମୀ ହେଉଛି ଡୋମନକାନ୍ତ ଧ୍ରୁବ । ସେ ଜଣେ ସରକାରୀ ବିଦ୍ୟାଳୟରେ ଶିକ୍ଷକ ଭାବେ କାର୍ଯ୍ୟରତ ଥିବା ସୂଚନା ମିଳିଛି ।
ଗତ ଶୁକ୍ରବାର ରାତିରେ ଏହି ହତ୍ୟାକାଣ୍ଡ ଘଟିଥିଲା । ଯେତେବେଳେ ଅଭିଯୁକ୍ତ ଡୋମନକାନ୍ତ ଘରେ ମଦ୍ୟପାନ କରୁଥିଲେ, ସେତେବେଳେ ତାଙ୍କ ପତ୍ନୀ ମୀନା ଧ୍ରୁବ ତାଙ୍କୁ ମଦ୍ୟପାନ ନକରିବାକୁ କହିଥିଲେ । ଏଥିରେ ଉତକ୍ଷିପ୍ତ ହୋଇ ସ୍ବାମୀ ସ୍ତ୍ରୀର ମୁଣ୍ଡକୁ ଏକ ଲୁହା ରଡରେ ଆକ୍ରମଣ କରିଥିଲା । ଫଳରେ ଘଟଣାସ୍ଥଳରେ ଟଳିପଡିଥିଲେ ମୀନା । ଏହାପରେ ତାଙ୍କର ମୃତ୍ୟୁ ହୋଇଥିଲା । ହତ୍ୟାକାଣ୍ଡ ଘଟାଇବା ପରେ ଅଭିଯୁକ୍ତ ଜଣଙ୍କ ପୋଲିସ ଷ୍ଟେସନରେ ଆତ୍ମସମର୍ପଣ କରିଥିଲା ।