ରାଜଧାନୀରେ ଅବକାରୀ ବିଭାଗର ଚଢାଉ: ୫୦୦ ଲିଟର ଦେଶୀ ମଦ ଜବତ, ୧୩ ଗିରଫ

ନୟାପଲ୍ଲୀ ସାଲିଆ ସାହିରେ ଚଢାଉ କରିଛି ଭୁବନେଶ୍ବର ଅବକାରୀ ବିଭାଗ । ଚଢାଉ ବେଳେ ୫୦୦ଲିଟର ଦେଶୀ ମଦ ଜବତ କରାଯାଇଛି ।

ଭୁବନେଶ୍ବର: ରାଜଧାନୀରେ ଅବକାରୀ ଟିମର ବଡ ଚଢାଉ। ନୟାପଲ୍ଲୀ ସାଲିଆ ସାହିରେ ଚଢାଉ କରିଛି ଭୁବନେଶ୍ବର ଅବକାରୀ ବିଭାଗ । ସାଲିଆ ସାହିର ନିଳଚକ୍ର ବସ୍ତି, ମଇଳାଟାଙ୍କି,ଲୈଲା ସ୍କୁଲ ପାଖ ଏରିଆରେ ଦେଶୀ ମଦଭାଟି ଉପାରେ ରେଡ ହୋଇଛି। ଚଢାଉ ବେଳେ ୫୦୦ଲିଟର ଦେଶୀ ମଦ ଜବତ କରାଯାଇଛି ।

ଏଥିସହ ୩ହଜାର ଲିଟର ପୋଚ ନଷ୍ଟ କରାଯାଇଛି। ତେବେ ଦେଶୀ ମଦ ଭାଟି ଯୋଗୁଁ ସ୍ଥାନୀୟ ଅଂଚଳର ଯୁବକ ମଦ ପିଇ ଉତ୍ପାତ କରୁଥିଲେ। ଏପରିକି ଘରେ ମହିଳାଙ୍କୁ ମାରପିଟ ସହ ଘରୋଇ ହିଂସା ବଢୁଥିଲା। ଏନେଇ ସୂଚନା ଆଧାରରେ ନୂତନ ଇନସ୍ପେକ୍ଟର ଚଢାଉ କରି ୧୩ ଜଣଙ୍କୁ ଗିରଫ କରିଛନ୍ତି।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ