ସମ୍ବଲପୁର: ହୀରାକୁଦ ଜଳଭଣ୍ଡାରର ଚଳିତ ବର୍ଷର ଶୀତ କାଳୀନ ପକ୍ଷୀ ଗଣନା ସମ୍ପୂର୍ଣ୍ଣ ହୋଇଛି । ଗତ ବର୍ଷ ଅପେକ୍ଷା ଚଳିତ ବର୍ଷ ଅଧିକ ସଂଖ୍ୟକ ପକ୍ଷୀ ଆଗମନ କରିଥିବା ସମ୍ବଲପୁର ହୀରାକୁଦ ବନ୍ୟପ୍ରାଣୀ ଡିଏଫଓ ପ୍ରତାପ କୋଟାପଲ୍ଲୀ ସୂଚନା ଦେଇଛନ୍ତି।
ଚଳିତ ବର୍ଷ ହୀରାକୁଦ ଜଳଭଣ୍ଡାରରେ ବଢିଛି ପକ୍ଷୀ ସଂଖ୍ୟା, ଡିଏଫଓଙ୍କ ସୂଚନା
ଚଳିତ ବର୍ଷ ହୀରାକୁଦ ଜଳଭଣ୍ଡାରକୁ ମୋଟ 98 ପ୍ରଜାତିର 1,24,864ଟି ପକ୍ଷୀ ଆସିଥିବା ଚଳିତ ବର୍ଷ ପକ୍ଷୀ ଗଣନାରୁ ଜଣାପଡିଥିବା ହୀରାକୁଦ ବନ୍ୟପ୍ରାଣୀ ଡିଏଫଓ ସୂଚନା ଦେଇଛନ୍ତି । ଏଥିରୁ 41ଟି ପ୍ରଜାତିର 1,03,117 ଟି ବିଭିନ୍ନ ବିଦେଶାଗତ ପକ୍ଷୀ ଥିବା ସୂଚନା ଦିଆଯାଇଛି ।