ସମ୍ବଲପୁର: ସାରା ରାଜ୍ୟରେ ଏବେ ମମିତା ମେହେର ମର୍ଡର ବିରୋଧରେ ପ୍ରତିବାଦର ନିଆଁ ଜଳିବାରେ ଲାଗିଛି । ଆଉ ଏହି ହତ୍ୟାକାଣ୍ଡ ଘଟଣାରେ ପଶ୍ଚିମ ଓଡିଶା ଯୁବା ମଞ୍ଚ ରାଜରାସ୍ତାକୁ ଓହ୍ଲାଇଛି । ଏନେଇ ଆଜି(ଶନିବାର) ପଶ୍ଚିମ ଓଡିଶା ଯୁବା ମଞ୍ଚର ଯୁବକ ଯୁବତୀମାନେ ଏହି ପ୍ରସଙ୍ଗ ନେଇ ରାଜ୍ୟ ସରକାରଙ୍କ ବିରୁଦ୍ଧରେ ବିକ୍ଷୋଭ ପ୍ରଦର୍ଶନ କରିବା ସହ ବିରୋଧୀ ଦଳ ଗୁଡ଼ିକର ଉଦାସୀନତା ଉପରେ ପ୍ରଶ୍ନ କରିଛି । ଏହି ଘଟଣାରେ ସମ୍ପୃକ୍ତ ଥିବା ଦୋଷୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ, ମମିତାଙ୍କ ପରିବାରକୁ ନ୍ୟାୟ ଓ ଘଟଣାର CBI ତଦନ୍ତ ଦାବି କରିଛି ପଶ୍ଚିମ ଓଡିଶା ଯୁବା ମଞ୍ଚ ।
ମମିତା ହତ୍ୟାକାଣ୍ଡ ଘଟଣା, CBI ତଦନ୍ତ ଦାବିରେ ପଶ୍ଚିମ ଓଡିଶା ଯୁବା ମଞ୍ଚର ବିକ୍ଷୋଭ
ସେପଟେ ଏହି ଆନ୍ଦୋଳନରେ ପଶ୍ଚିମ ଓଡ଼ିଶାର ସମସ୍ତ ଜିଲ୍ଲାର ଯୁବକ ଯୁବତୀମାନେ ଆସି ଏହି ଆନ୍ଦୋଳନରେ ସାମିଲ ହୋଇଛନ୍ତି। ସମ୍ବଲପୁର ଅଇଁଠାପାଲି ଛକରୁ ଉତ୍ତରାଞ୍ଚଳ DIGଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଏକ ବିଶାଳ ଶୋଭାଯାତ୍ରାରେ ବାହାରି ବିକ୍ଷୋଭ ପ୍ରଦର୍ଶନ କରିଥିବା ଦେଖିବାକୁ ମିଳିଛି ।