ନୂଆଁଖାଇରେ ଅଘଟଣ: ପୁଅର ଟାଙ୍ଗିଆ ଚୋଟରେ ବାପା ମୃତ

ପୂର୍ବ ବଚସାକୁ କେନ୍ଦ୍ର କରି ନିଶାସକ୍ତ ଅବସ୍ଥାରେ ବାପାକୁ ହତ୍ୟା କଲା ପୁଅ । ରେଢ଼ାଖୋଲ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ଅଭିଯୁକ୍ତ ପୁଅକୁ ଅଟକ ରଖି ପଚରାଉଚରା କରିବା ସହ ତଦନ୍ତ ଜାରି ରଖିଛି । ଅଧିକ ପଢନ୍ତୁ...

ସମ୍ବଲପୁର:ପୁଅର ଟାଙ୍ଗିଆ ଚୋଟରେ ବାପାର ହୋଇଛି ମୃତ୍ୟୁ । ଏଭଳି ଘଟଣା ଦେଖିବାକୁ ମିଳିଛି ସମ୍ବଲପୁର ଜିଲ୍ଲାରେ । ସୂଚନାନୁସାରେ ରେଢ଼ାଖୋଲ ଥାନା ଅଧିନ ଆମ୍ବଝରି ଅଞ୍ଚଳରେ କୌଣସି କାରଣରୁ ବାପ ପୁଅ ମଧ୍ୟରେ ବଚସା ହୋଇଥିଲା ଆଉ ଏନେଇ ଅତି ନିର୍ମମ ଭାବେ ବାପାକୁ ହତ୍ୟା କରିଛି ।

ସେପଟେ ନିଶାସକ୍ତ ଅବସ୍ଥାରେ ବାପା ଶୁକ୍ରୁ ମିର୍ଦ୍ଧାଙ୍କ ଟାଙ୍ଗିଆ ସାହାଯ୍ୟରେ ଆକ୍ରମଣ କରି ହତ୍ୟା କରିଛି ପୁଅ ଟଙ୍କଧର ମିର୍ଦ୍ଧା। ଏନେଇ ଘଟଣାସ୍ଥଳରେ ରେଢ଼ାଖୋଲ ପୋଲିସ ପହଞ୍ଚି ମୃତଦେହକୁ ଜବତ କରିବା ସହ ଅଭିଯୁକ୍ତ ପୁଅକୁ ଅଟକ ରଖି ପଚରାଉଚରା କରୁଛି ।

ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ