ସମ୍ବଲପୁର: ଜିଲ୍ଲା ଯୁଜୁମୁରା ବ୍ଲକ ଅଢାପରା ଅଞ୍ଚଳରୁ ଏସଟିଏଫ(STF) ଦ୍ବାରା ନକଲି ନୋଟ କାରବାର ଧାରା ପଡିବା ପରେ ଆଜି ସମ୍ବଲପୁର ଏସପି ବାତୁଲା ଗଙ୍ଗାଧର ଏନେଇ ପ୍ରତିକ୍ରିୟା ରଖିଛନ୍ତି । ଗତକାଲି ସମ୍ବଲପୁର ଯୁଜୁମୁରା ଅଞ୍ଚଳରୁ ପ୍ରାୟ 15 ଲକ୍ଷ ଟଙ୍କାର ନକଲି ନୋଟ ଜବତ କରିଥିଲା ଏସଟିଏଫ । ଏହି ଘଟଣାରେ 2 ଜଣଙ୍କୁ ଧରିଥିଲା ଏସଟିଏଫ। ଏସଟିଏଫର ରିପୋର୍ଟ ଅଧାରରେ ସମ୍ବଲପୁର ପୋଲିସ 2 ଜଣଙ୍କୁ ଗିରଫ ପରେ କୋର୍ଟ ଚାଲାଣ କରିଛି ।
ସମ୍ବଲପୁର ଏସପି ଙ୍କ ପକ୍ଷରୁ ମିଳିଥିବା ସୂଚନା ଅନୁସାରେ ଏସଟିଏଫ ଏକ ମାମଲାର ତଦନ୍ତ କରିଥିବା ବେଳେ ଏହାର ଲିଙ୍କ ଦେବଗଡ଼ ଜିଲ୍ଲା ସହ ଯୋଡି ହୋଇଥିଲା । ଏନେଇ ଦେବଗଡ଼ ଜିଲ୍ଲାର ଲିଙ୍କକୁ ଅଧିକ ତଦନ୍ତ କରାଯିବା ବେଳେ ଏହାର ଚେର ଲମ୍ବିଥିଲା ଚାମୁଣ୍ଡା ଗାଁକୁ। ଏସଟି ଏଫ ଏହି ଲିଙ୍କର ତଦନ୍ତ କରୁଥିବା ବେଳେ ଏହି ନକଲି ନୋଟ କାରବାର ଧାରା ପଡିଥିଲା । ଏଥିରେ 2 ଜଣ ବ୍ୟକ୍ତିଙ୍କ ସମ୍ପୃକ୍ତି ଥିବା ଜଣାପଡିଥିଲା । ଏମନଙ୍କ ମଧ୍ୟରୁ ଜଣେ କଲର ପ୍ରିଣ୍ଟ ମେସିନ ସାହଯ୍ୟରେ ନକଲି ନୋଟ ଛପାଉ ଥିବା ସ୍ପଷ୍ଟ ହୋଇଥିଲା । ତେବେ ସବୁଠାରୁ ବଡ଼ କଥା ହେଲେ ଏହି 2 ଅଭିଯୁକ୍ତ ଏଠି ନକଲି ନୋଟ ଛପାଇ ଜିଲ୍ଲା ବାହାରେ ଏହାର କାରବାର କରୁଥିଲେ ।